WSJ: Pucin, imavierna, nie addavaŭ pramy zahad ab zabojstvie Alaksieja Navalnaha — pazicyja amierykanskich śpiecsłužbaŭ
Jeŭrapiejskija śpiecsłužby, u svaju čarhu, skieptyčna staviacca da takoj vysnovy amierykanskich kalehaŭ.
U amierykanskaj raźviedvalnaj supolnaści ličać, što Uładzimir Pucin, chutčej za ŭsio, nie addavaŭ zahadu ab zabojstvie apazicyjnaha palityka Alaksieja Navalnaha, piša hazieta The Wall Street Journal sa spasyłkaj na svaje krynicy. Pierakaz artykuła pryvodzić Bi-bi-si.
«Hetaja acenka nie asprečvaje adkaznaść Pucina za hibiel Alaksieja Navalnaha, razmova idzie chutčej ab tym, što rasijski lidar, vierahodna, nie addavaŭ takoha zahadu ŭ toj momant», — piša WSJ.
Takaja vysnova šyroka raspaŭsiudžany ŭ raźviedvalnaj supolnaści ZŠA i padzialajecca adrazu niekalkimi słužbami: CRU, Upraŭleńniem dyrektara nacraźviedki i raźviedvalnym biuro Dziarždepartamienta.
Acenki raźviedki časta naležać na spałučeńnie sakretnych źviestak i patokaŭ infarmacyi z adkrytych abo ahulnadastupnych krynic, zaznačaje vydańnie.
Śpiecsłužby jeŭrapiejskich krain byli painfarmavanyja ab vysnovach ZŠA, adnak niekatoryja skieptyčna pastavilisia da takoha punkta hledžańnia.
U takoj stroha kantralavanaj sistemie, jak pucinskaja Rasija, Navalnamu naŭrad ci mahli pryčynić škodu biez papiaredniaha apaviaščeńnia prezidenta, ličać jeŭrapiejskija čynoŭniki.
Alaksiej Navalny zahinuŭ u kałonii na Jamale 16 lutaha. Pavodle aficyjnaj viersii, jamu stała drenna padčas prahułki. Paplečniki Navalnaha abvinavačvajuć u jaho hibieli prezidenta Rasii Uładzimira Pucina.
Jany ličać, što palityk byŭ zabity, kab praduchilić jahony abmien na asudžanaha za zabojstva rasijanina Vadzima Krasikava.
Uładzimir Pucin upieršyniu vykazaŭsia ab śmierci Navalnaha paśla prezidenckich vybaraŭ, nazvaŭšy jaje «sumnaj padziejaj». Tady ž jon upieršyniu publična vymaviŭ usłych proźvišča palityka.
U dzień śmierci Navalny paśpieŭ adpravić mamie svajoj žonki paštoŭku ź vinšavańniem ź jubilejem
Pucin prakamientavaŭ śmierć Navalnaha. I skazaŭ, što byŭ zhodny jaho abmianiać
Rasijski palitviazień Illa Jašyn: Zabojstva Navalnaha było spłanavana śpiecsłužbami RF, i momant pierad vybarami abrany śviadoma
Ciapier čytajuć
Dačka sudździ, jakaja žyŭcom zhareła ŭ sudzie ŭ Słucku ŭ 1967-m, raskazała, jak skłałasia žyćcio ich siamji paśla hučnaj trahiedyi3
Kamientary