Jon pavinien abjadnać usie vajskova-patryjatyčnyja kłuby, praŭładnych dziejačaŭ i biznesoŭcaŭ.
Fond abjadnaŭ usie isnujučyja vajskova-patryjatyčnyja kłuby — takich ciapier 18 (a heta 2000 chłopčykaŭ i dziaŭčatak) — pa ŭsioj krainie.
Hałoŭnaja ideja fondu — akazańnie biaspłatnaj dapamohi kłubam, jakija zajmajucca vychavańniem «junych patryjotaŭ», a taksama raźvićcio praŭładnaha patryjatyčnaha ruchu siarod moładzi i pryciahnieńnie dla hetaha ŭ tym liku sponsarskaj dapamohi.
U skład apiakunskaj rady fondu ŭvajšli pradstaŭniki ŭsich zacikaŭlenych viedamstvaŭ, praŭładnyja dziejačy, rabotniki praŭładnych ŚMI i pradprymalniki — usiaho 13 čałaviek.
Hety skład moža papaŭniacca. Fond taksama budzie arhanizoŭvać i ŭdzielničać u praviadzieńni dadatkovych dabračynnych akcyj, sieminaraŭ, konkursaŭ, sustreč, vystaŭ i inšych aśvietnickich i spartyŭnych mierapryjemstvaŭ dla vychavancaŭ kłubaŭ.
Uračystaje adkryćcio prajšło ŭčora ŭ v/č 3214. Dzieci pakazvali, čamu navučylisia: zborcy i razborcy aŭtamata, stralbie z roznych vidaŭ zbroi, rukapašnym bai, kiravańni bieśpiłotnikami i FPV-dronami i inšamu.
«Našyja vychavancy paśpiachova asvojvajuć vajskovuju navuku. Užo jość pieršyja vypuskniki i tyja, chto pastupiŭ u viedamasnyja navučalnyja ŭstanovy abo pajšli słužyć pa kantrakcie», — raspavioŭ Karpiankoŭ pres-słužbie ŭnutranych vojskaŭ.
Jak rastłumačyŭ Karpiankoŭ, fond patrebny dla papularyzacyi i raźvićcia vajskova-patryjatyčnaha ruchu.
Dyrektarka fondu Ała Vieruš nazyvaje hałoŭnaj zadačaj fondu — «nie stracić pakaleńnie maładych biełarusaŭ». Jana zapeŭnivaje, što «Maładaja hvardyja» budzie dapamahać vychavancam kłuba i ich siemjam.
Fond zarehistravali 3 maja pa adrasie Nacyjanalnaj biblijateki.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary