Francyja praviała pieršy testavy zapusk abnoŭlenaj zvyšhukavoj rakiety
Što heta za rakieta?
Pra pieršy paśpiachovy testavy zapusk abnoŭlenaj zvyšhukavoj kryłataj rakiety ASMPA (Air-Sol Moyenne Portée Amélioré — pavietra-ziamla siaredniaj dalnaści palepšanaja), zdolnaj nieści jadziernuju bajavuju častku, paviedamiŭ ministr abarony Francyi Siebaśćian Lekarniu (Sébastien Lecornu).
«Źniščalnik Rafale VPS stratehičnaha pryznačeńnia tolki što paśpiachova pravioŭ pieršy lotny vyprabavalny pusk abnoŭlenaj zvyšhukavoj jadziernaj rakiety ASMPA biez bartavoj karysnaj nahruzki», —
napisaŭ Lekarniu na svajoj staroncy ŭ sacsietcy Ch.
Opération Durandal : un Rafale des Forces aériennes stratégiques vient de réaliser avec succès le premier tir d'essai en vol d'un missile nucléaire supersonique ASMPA rénové, sans charge embarquée.
Cette opération, prévue de longue date, concrétise l'ambition prévue en loi de… pic.twitter.com/DvEX3h62PV
«Zapusk kankretyzuje mety, praduhledžanyja ŭ zakonie ab vajskovym prahramavańni adnosna našaha patencyjału jadziernaha strymlivańnia, i demanstruje jaho pieravahu i apieratyŭnuju nadziejnaść», — dadaŭ ministr.
Jak paviedamlajecca na sajcie ministerstva abarony Francyi, płanavy zapusk byŭ praviedzieny ŭ ramkach vajskovych vučeńniaŭ Durandal, jakija prachodziać u Francyi z 13 traŭnia pa 14 červienia.
ASMPA — zvyšhukavaja kryłataja rakieta ź jadziernaj bojehałoŭkaj. Da 2018 hoda jaje vykarystoŭvali na źniščalniku-bambardziroŭščyku Mirage 2000N-K3, zatym intehravali ŭ skład arsienała źniščalnika Rafale F3R. Rakieta pastupiła na ŭzbrajeńnie VPS Francyi ŭ 2009 hodzie.
U 2016 hodzie Francyja zapuściła prahramu madernizacyi hetych rakiet. Udzieł u stvareńni abnoŭlenaj rakiety pryniali śpiecyjalisty centra aerakaśmičnych daśledavańniaŭ ONERA, datyčnych i da raspracoŭki papiaredniaj viersii.
Rakieta ASMPA maje dalnaść dziejańnia kala 500 kiłamietraŭ i chutkaść da 3 Macha. Jana abstaloŭvajecca termajadziernaj bojehałoŭkaj TNA (Tête Nucléaire Aéroportée — bartavaja jadziernaja bojehałoŭka) źmiennaj mahutnaści: ad 100 da 300 kiłaton.
Prahrama abnaŭleńnia ASMPA praduhledžvaje źjaŭleńnie rakiety 4-ha pakaleńnia ASN4G da 2035 hoda.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu1
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary