Francyja pavysiła ŭzrovień terarystyčnaj pahrozy da maksimalnaha. A krainu čakajuć Alimpijskija hulni
Samy vysoki ŭzrovień terarystyčnaj pahrozy abviaščajecca ŭ Francyi, kali ŭłady miarkujuć, što isnuje nieminučaja pahroza teraktu paśla napadu na «Krokus Sici Choł» u Maskvie.
«U suviazi z teraktam u Maskvie prezident sklikaŭ Radu abarony i nacyjanalnaj biaśpieki ŭ Jelisiejskim pałacy. Uličvajučy zajavu «Isłamskaj dziaržavy» ab adkaznaści za terakt, a taksama niebiaśpieku dla našaj krainy, my vyrašyli padniać uzrovień terarystyčnaj pahrozy da samaha vysokaha: ekstrany napad», — paviedamiŭ učora premjer Habryel Atal.
Taksama Alimpijskija hulni ŭ Paryžy mohuć stać «pieršakłasnaj mišeńniu» dla terarystaŭ. Takimi aściarohami padzialilisia ŭ razmovie z The New York Times surazmoŭcy ŭ zachodnich raźviedkach i ekśpierty.
Zachodnija śpiecyjalisty ličać, što terakt u «Krokus Sici Chole» moža zaachvocić «Isłamskuju dziaržavu» ŭzmacnić sproby atakavać krainy Jeŭropy, asabliva Francyju, Bielhiju i Brytaniju. Vydańnie sa spasyłkaj na dakład AAN piša ab najaŭnaści śviedčańniaŭ «biahučych i niezavieršanych apieratyŭnych płanaŭ na jeŭrapiejskaj terytoryi, jakija realizujucca ID».
Urad Niamieččyny ŭ svaju čarhu kłasifikuje terarystyčnuju pahrozu ŭ krainie jak «vostruju».
Kiraŭnik MUS Nensi Fiezier raspaviała haziecie Süddeutsche Zeitung, što hrupoŭka «IHIŁ-Charasan» «ciapier ujaŭlaje samuju vialikuju isłamisckuju pahrozu i ŭ Niamieččynie. Jana nahadała, što napiaredadni Kaladaŭ u Kiolnie ŭdałosia praduchilić ataku terarystaŭ z Tadžykistana, piša Bild.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary