Vyśvietliłasia sapraŭdnaja pryčyna anamalnych napadaŭ zhraj kasatak na raskošnyja jachty ŭ jeŭrapiejskich vodach
«Kali vykazvacca prostaj movaj, u kasatak niešta padobnaje na tyktok-čelendž».
Navukoŭcy i čynoŭniki ź niekalkich krain pry ŭdziele Mižnarodnaj kitabojnaj kamisii praz 4 hady anamalnych napadaŭ kasatak na jachty i inšyja sudny kala bierahoŭ Jeŭropy narešcie daviedalisia sapraŭdnuju pryčynu takich pavodzin žyvioł.
Kasatki robiać usio heta prosta dziela zabavy, piša partał New Atlas.
«Šmathadovyja daśledavańni pakazali, što ŭsplosk napadaŭ kasatak na jachty, što pryvodziła da ich patapleńniaŭ — nastupstva žadańnia žyvioł paciešycca.
Rabili heta pieravažna maładyja asobiny: dzicianiaty, padletki i inšyja kasatki ŭzrostu da 25 hadoŭ. Samki, starejšyja za 25 hadoŭ, prysutničali padčas napadaŭ, kab sačyć za biaśpiekaj dziaciej, a darosłyja samcy ŭvohule nie ŭdzielničali», — pieradaje partał.
Adnoj z pryčyn takoj cikavaści kasatak da napadaŭ, pavodle navukoŭcaŭ, źjaŭlajucca źmieny klimatu, jakija pryviali da pavieličeńnia ŭ Mižziemnym mory papulacyi błakitnaha tunca, jakim aktyŭna charčujucca kasatki.
Heta ŭ svaju čarhu źniziła ŭ žyviołaŭ nieabchodnaść tracić šmat času na palavańnie, dazvoliŭšy im bolš adpačyvać i tym samym zajmać siabie roznymi zabavami, adznačajuć navukoŭcy.
Jany paraŭnali takija pavodziny kasatak z časovym tyktok-čelendžam, miarkujučy, što ŭ niedalokaj budučyni hetaja tendencyja pojdzie na spad.
Nahadajem, što z 2020 pa 2024 hady byŭ zarehistravany anamalny ŭsplosk napadaŭ kasatak na jachty ŭ Mižziemnym mory. Takich vypadkaŭ užo adbyłosia bolš za 650.
Napady ŭ asnoŭnym byli nakiravanyja na vietrazievyja łodki, a sami žyvioły dziejničajuć pa takoj schiemie: nabližajucca z karmy, kab udaryć pa padvodnym ruli, a jak tolki łodka spyniajecca ci łamajecca styrno — adpłyvajuć.
Raniej navukoŭcy mierkavali, što adna z pryčyn napadaŭ — posttraŭmatyčny sindrom adnoj z kasatak, jakaja ŭ minułym mahła pieražyć sutyknieńnie z łodkaj, albo mahła trapić u pastku padčas niezakonnaj ci zvyčajnaj łoŭli ryby. Hetaja asobina, pavodle raniejšych razvažańniaŭ navukoŭcaŭ, mahła pačać navučać inšych kasatak taranić łodki.
Ciapier čytajuć
Łukašenka patłumačyŭ, čamu jaho nie vidać pa sieradach i subotach18
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary