Lotčyki biełaruskaj vajennaj avijacyi i tearetyčna, i praktyčna hatovy vykarystoŭvać taktyčnuju jadziernuju zbroju, zajaviŭ namieśnik kamandujučaha VPS i vojskami SPA, načalnik avijacyi biełaruskaj armii Leanid Davidovič.
«Uvieś cykł padrychtoŭki — tearetyčnaj i praktyčnaj — našy ekipažy, inžynierna-techničny skład užo prajšli, užo dastatkova daŭno. Usie mierapryjemstvy kantrolu — treniroŭki abo pravierki, vučeńni — nosiać, ja b nie skazaŭ rucinny charaktar, ale stanoviacca na płanavaj asnovie. My adpracoŭvajem hetyja pytańni, časam mianiajučy tuju ci inšuju abstanoŭku…
Ale ekipažy ŭžo hatovy i inžynierna-techničny skład taksama hatovy.
U pačatku maja Minabarony Biełarusi paviedamlała ab starcie raptoŭnaj pravierki srodkaŭ-nośbitaŭ niestratehičnaj jadziernaj zbroi. Ministr abarony Viktar Chrenin tłumačyŭ tady, što dla hetaha pryvodzilisia ŭ hatoŭnaść dyvizijon apieratyŭna-taktyčnaha kompleksu «Iskander» i eskadrylla samalotaŭ Su-25.
«Budzie pravierany ŭvieś kompleks mierapryjemstvaŭ ad płanavańnia, padrychtoŭki i prymianieńnia ŭdaraŭ taktyčnymi jadziernymi bojeprypasami», — kazaŭ Chrenin.
Dakumienty pra raźmiaščeńnie ŭ Biełarusi jadziernaj zbroi padpisali ŭ mai 2023 hoda Siarhiej Šajhu, jaki ŭznačalvaŭ Minabarony RF, i Viktar Chrenin. Ci jość u Biełarusi jadziernaja zbroja, dakładnaj infarmacyi niama.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali7
Kamientary