Zatknie za pojas Kačanavu — jak polski pierabiežčyk Šmit chvalić Łukašenku
Były polski sudździa Tomaš Šmit kalasić pa svajoj novaj radzimie, dajučy ci nie štodzionnyja infanahody prapahandzie. Hetym razam jon nie tolki pachvaliŭ Łukašenku jak palityka, ale asobna adznačyŭ jaho nibyta zajzdrosnuju fizičnuju formu, jakaja jakraz vyklikaje vialikija sumnievy.
Siońnia Šmit naviedvaŭ Horacki rajon. Tam jon znoŭ beściŭ polskich palitykaŭ i zajaviŭ, što «Alaksandr Łukašenka — adzin z najlepšych suśvietnych palitykaŭ».
«Dastatkova pahladzieć na siońniašniuju situacyju: jak jon siabie pavodzić, jak pravodzić palityku. Heta nie kamplimient, heta — fakt, — skazaŭ Šmit. — Akramia taho, možna taksama pazajzdrościć jaho fizičnaj formie. Dastatkova pahladzieć na toje, jak jon siače drovy, jak u Manholii stralaje z łuka».
U Šmita spytali pra płany na budučyniu. Jon skazaŭ, što płany na budučyniu jość, adnak pakul nie choča ŭdavacca ŭ detali, ale dadaŭ: «Ja chaču zajmacca naładžvańniem uzajemaadnosin pamiž Polščaj i Biełaruśsiu».
Tomaš Šmit uciok u Biełaruś 6 maja. Jon daŭ u Minsku pres-kanfierencyju, na jakoj abviaściŭ, što maje namier zapytać u Biełarusi palityčny prytułak.
Polskija śpiecsłužby miarkujuć, što Šmit niekalki hadoŭ kantaktavaŭ ź biełaruskaj raźviedkaj i rasijskimi ahientami ŭ Polščy.
U Varšavie 55-hadovamu Šmitu vystaŭlena abvinavačańnie ŭ špijanažy.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary