U Sinhapury paśla 35 hadoŭ zabarony dazvolać trymać katoŭ u kvaterach
Novyja praviły, jakija dazvolać sinhapurcam trymać puchnatych hadavancaŭ u kvaterach, ustupiać u siłu ź vieraśnia hetaha hoda. Pakul ža za kata ŭ kvatery sinhapurcam usio jašče pahražaje štraf, piša The Guardian.
Novyja praviły buduć tyčycca ŭładalnikaŭ kvater u šmatkvaternych damach, jakija znachodziacca pad kiravańniem rady pa žyllovym budaŭnictvie i raźvićci. Takim žyllom vałodajuć bolš za 80% nasielnictva azijackaha horada-dziaržavy.
Zrešty, mnohija ŭładalniki takich kvater doŭhi čas ihnaravali zabaronu i ŭsio taki trymali hadavancaŭ. Ale ryzykavali narvacca na štraf da 4 tys. sinhapurskich dalaraŭ (kala 3 tys. dalaraŭ ZŠA), kali na ich skardzilisia susiedzi pa domie.
Rada ŭviała zabaronu ŭ 1989 hodzie. Tłumačyli jaje tym, što katy, maŭlaŭ, časta źbiahajuć z kvater, liniajuć, sparažniajucca i močacca ŭ hramadskich miescach, a taksama vydajuć niepryjemnyja huki, što moža stvarać niazručnaści inšym žycharam.
Adnak ža ciapier, pačynajučy ź vieraśnia 2024 hoda, uładalnikam kvater u šmatkvaternych damach dazvolać trymać dvuch katoj, a taksama adnaho sabaku adnoj z uchvalenych uładami parod. Dla hetaha žyviołavodam spatrebicca prajści biaspłatny navučalny kurs pa ŭtrymańni chatnich žyvioł, čypavać hadavanca i zarehistravać jaho va ŭstanoŭlenym paradku.
Akramia taho, haspadaroŭ taksama abaviažuć pryniać «razumnyja miery» biaśpieki, naprykład, pastavić sietki abo kraty, kab katy nie ciahalisia aby-dzie i nie padali z voknaŭ dy vientylacyjnych adtulin šmatpaviarchovikaŭ.
Źmieny mahli być vyklikanyja dziaržaŭnym apytańniem, 90% respandentaŭ jakoha vykazalisia za dazvoł trymać katoŭ u kvaterach. Akramia taho, u horadzie vyrasła kolkaść uładalnikaŭ hadavancaŭ — da 2023 hoda ich było kala 94 tys., amal na 10% bolš u paraŭnańni z 2019 hodam, kali apošni raz pravodzilisia takija daśledavańni.
Vučonyja raspracavali vakcynu, jakaja dapamoža katam pražyć da 30 hadoŭ
Biełaruski śviatar adkazaŭ na pytańnie, ci možna pachryścić kata
«Katoŭ prapanoŭvali ŭtapić abo ŭsypić biaspłatna». Jak minčuki ratavali katoŭ cełaj vulicaj
«Adčajna zmahaŭsia kipciurami za žyćcio». U Vilni kaciania try dni praviało ŭ reanimacyi paśla taho, jak 20 chvilin było ŭ pralnaj mašynie
Pobač z Łukašenkam na chakiei źjaviłasia novaja pryhažunia10
Kamientary