«Mišlen prychodzić, kali jaho nie čakaješ». Biełaruski šef-kuchar atrymaŭ mižnarodnaje pryznańnie
Na minułym tydni 34 restarany Litvy trapili ŭ znakamity hastranamičny mišlenaŭski hid (čatyry ź ich atrymali zorku Mišlena). Siarod adznačanych restaranaŭ jość Justa Pasta, šef-kucharam u jakim pracuje biełarus Siarhiej Varašyłaŭ.
U svaim instahramie Siarhiej pachvaliŭsia ŭznaharodaj, jakuju atrymaŭ na ŭračystaj cyrymonii hida Mišlen. «Mišlen prychodzić, kali jaho nie čakaješ», — napisaŭ jon.
Siarhiej Varašyłaŭ vučyŭsia ŭ francuzskaj Le Cordon Bleu Paris (adna z samych lepšych kulinarnych škoł u śviecie, jakaja isnuje z 1895 hoda). Pačynaŭ pracavać jon u homielskich restaranach Taste i Tapas bar.
U 2021 hodzie Siarhiej advažyŭsia na pieršy samastojny prajekt — mikrakafe «Žuj». Raźmiaściłasia kafe na Kamaroŭskim rynku — u zale było ŭsiaho try stoliki. A hałoŭnaj fiškaj «Žuj» byli pinsy (vid picy pramavuholnaj formy).
Ale, mabyć, najbolš viadomym miescam pracy Siarhieja ŭ Biełarusi staŭ restaran «Dyjałohi». Jon byŭ tam šef-kucharam. Ciapier Siarhiej žyvie ŭ Vilni i raduje svaimi stravami naviedvalnikaŭ restarana Justa Pasta, jaki ciapier rekamienduje hid Mišlen.
Pa daŭniaj tradycyi adbor restaranaŭ dla hida Mišlen u Litvie niezaležna pravodziŭsia tajemnymi inśpiektarami, jakija pracavali pa śpiecyjalnaj mietodycy. Jany aceńvali jakaść praduktaŭ, techniku pryhatavańnia, harmoniju hustaŭ, indyvidualnaść šef-kuchara.
Cikavy fakt: zaprasić u krainu ekśpiertaŭ Mišlen kaštuje nie tanna. Raniej lrt.lt paviedamlała: Litva zapłaciła bolš za 1,5 miljona jeŭra za toje, kab śpiecyjalisty Mišlen prateściravali miascovyja restarany. Ułady krainy raźličvajuć, što ŭklučeńnie litoŭskich restaranaŭ u hid Mišlen dadatkova pryniasie krainie da 4 miljona jeŭra dachodaŭ ad turyzmu za hod.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ79
Kamientary