U łot uvachodziać try budynki.
U vajskovym haradku Foluš u Hrodnie na tarhi vystavili try staryja budynki — dva štaby i kamandny punkt pa vulicy Jasnapolskaj.
Dvuchpaviarchovyja štaby — płošča kožnaha kala 1,3 tys. «kvadrataŭ» — pabudavali ŭ 1951 hodzie, kamandny punkt u 400 «kvadrataŭ» pad ziamloj zbudavali ŭ 1986 hodzie, piša Newgrodno.
Vajskovy haradok u Hrodnie apošnim časam źmianiŭsia. Častku ziamli pieradali ad vajskoŭcaŭ cyvilnym, tam źjaviŭsia novy sučasny mikrarajon. Ale častku starych vajskovych budynkaŭ znosić nie stali, ciapier ich pradajuć.
Štaby i kamandny punkt vystavili na tarhi adnym łotam. Startavaja cana — usiaho 120 rubloŭ. Adnak jość umova: novy ŭładalnik pavinien budzie na praciahu troch hadoŭ paśla kupli rekanstrujavać budynki pad abjekty hramadska-dziełavoha pryznačeńnia. Heta značyć pad ofisy, kramy abo abjekty śfiery pasłuh.
Aŭkcyjon pryznačany na 19 lipienia.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii31
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4343
Kamientary