Deputat rasijskaj Dziarždumy paśpiašaŭsia abvinavacić Ukrainu i NATA ŭ teraktach u Dahiestanie. Jaho niečakana prysaromiŭ Rahozin
Eks-kiraŭnik «Raskosmasu» zaklikaŭ zaŭvažyć bierviano ŭ svaim voku.
Deputat rasijskaj Dziarždumy Abdułchakim Hadžyjeŭ zajaviŭ ab dačynieńni Ukrainy i krain NATO da teraktaŭ u Machačkale i Derbiencie (harady na poŭdni Rasii ŭ Dahiestanie).
Sa słoŭ parłamientaryja, heta «sproba razhajdać situacyju ŭ Rasii na fonie pośpiechaŭ na froncie».
«Niama sumnievu, što hetyja terakty tak ci inakš źviazanyja sa śpiecsłužbami Ukrainy i krain NATO», — zajaviŭ Hadžyjeŭ u efiry rasijskaha telebačańnia.
Hetuju pazicyju niečakana raskrytykavaŭ sienatar, eks-kiraŭnik «Raskosmasu» Dźmitryj Rahozin, viadomy svajoj ahresiŭnaj antyŭkrainskaj rytorykaj. U svaim telehram-kanale jon zaklikaŭ nie śpisvać usie terakty na Ukrainu i NATO.
«Ja liču, što kali my kožny terakt, zamiašany na nacyjanalnaj i relihijnaj nieciarpimaści, nianaviści i rusafobii, budziem śpisvać na intryhi Ukrainy i NATA, to hety ružovy tuman pryviadzie nas da vialikich prablem.
U čužym voku parušynku bačym, u svaim — biarviony nie razhladzim. A para b», — napisaŭ Rahozin.
U Machačkale i Derbiencie praciahvajucca bai z bajevikami, jakija raniej napali na cerkvy, sinahohu i palicejskich. Pavodle źviestak siłavikoŭ, napadniki byli źviazanyja z hrupoŭkami vachabitaŭ.
Ciapier čytajuć
Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim1
Kamientary