U Hienprakuratury prapanujuć bankam uvieści «astudžalny» pieryjad dla kredytaŭ
Hienprakuratura admysłovym listom prapanavała Nacbanku zmahacca z kibiermachlarstvam z dapamohaj «astudžalnaha» pieryjadu pry atrymańni kredytaŭ fizičnymi asobami. Pra heta raskazaŭ na pres-kanfierencyi namieśnik hienprakurora Alaksiej Stuk, piša Myfin.by.
Pa słovach Alaksieja Stuka, tak zvany «astudžalny» pieryjad na sutki ci bolš pry atrymańni anłajn-kredytaŭ patrebien, kab čałaviek moh abdumać svajo rašeńnie, uzvažyć usie za i suprać, paraicca z rodnymi i blizkimi. Heta moža zaścierahčy ad pamyłki čałavieka, jaki atrymlivaje kredyt pad upłyvam vymahalnictva abo padmanu.
Jak adznačyŭ namieśnik hienprakurora, u 2023 hodzie kolkaść zarehistravanych kibierzłačynstvaŭ pavialičyłasia na 23,5%, da 18 300. Ź ich bolš za 21% składajuć machlarstvy.
Za 5 miesiacaŭ 2024 hoda zarehistravana amal 8500 kibierzłačynstvaŭ, letaś za anałahičny pieryjad ich było mienš za 7000.
Kamientary