Vyjšaŭ na volu hrodzienski biznesmien, jaki ŭ 2020-m paskardziŭsia na siłavikoŭ
Vydańnie Hrodna.life paviedamiła na padstavie infarmacyi daśviedčanaj krynicy, što z hrodzienskaha SIZA vyjšaŭ były ŭładalnik hrodzienskaj kramy «Aŭtazapčastki» Viktar Rukša. Jaho pačali pieraśledavać paśla taho, jak mužčyna paskardziŭsia ŭ 2020 hodzie na siłavikoŭ.
Vychad Viktara Rukšy na volu nie źviazany z vyzvaleńniem palitviaźniaŭ u Biełarusi, bo jon hetaha statusu tak i nie atrymaŭ.
Pakul nieviadoma, prosta spynili kryminalnuju spravu suprać Viktara Rukšy ci jaho ŭsio ž asudzili, zaličyŭšy termin utrymańnia pad vartaj. Viadoma, što biznes Rukšy źniščyli, u traŭni pryznaŭšy firmu-ŭładalnicu jahonaj kramy aŭtazapčastak bankrutam.
Raźbiralnictva pa spravie Viktara Rukšy pačałosia padčas pratestaŭ 2020 hoda i idzie dahetul. Tady Viktar paskardziŭsia na siłavikoŭ, jakija ŭvarvalisia da jaho ŭ kramu i zatrymali ŭ tym liku jahonych supracoŭnikaŭ.
Departamient finansavych rasśledavańniaŭ paśla taho zajaviŭ pra nibyta niaspłatu padatkaŭ pamieram u 525 tysiač rubloŭ ($203 693) i jašče 12 tysiač ($4655) — z zarobkaŭ u kanviertach.
Spačatku Viktar Rukša sudziŭsia z Ekanamičnym sudom Hrodzienskaj vobłaści ŭ nadziei admianić akty DFR. Adnak paźniej sprava stała kryminalnaj i pierajšła ŭ sud Kastryčnickaha rajona Hrodna.
Rukšu ŭziali pad vartu ŭ lutym 2022 hoda. Pavodle art. 243 č. 2 KK «Uchileńnie ad vypłaty sum padatkaŭ, zboraŭ (redakcyja straciła siłu 26.05.2021)» i art. 424 č. 3 KK «Złoŭžyvańnie ŭładaj abo słužbovymi paŭnamoctvami» ŭ traŭni 2023 hoda jaho asudzili na 3,5 hoda kałonii ŭzmocnienaha režymu.
Paśla apielacyi ŭ lipieni 2023 hoda jahonaja sprava znoŭ źjaviłasia ŭ raskładzie sudovych pasiadžeńniaŭ — vierahodna, jaje pačali pierahladać.
Ciapier čytajuć
«Ja pra mužoŭ-biełarusaŭ čuju tolki: «Nikoli znoŭ!» Čamu bčb-niaviesta Ina Zajcava na hod źnikła z sacsietak i što ź joj ciapier?2
Kamientary