Praŭładny błohier paskardziŭsia ŭ efiry Sałaŭjova na «Słavianski bazar» i čynoŭnikaŭ — pačaŭsia skandał
«Skažu adno: biehčy skardzicca na rasijskuju publiku na biełaruskija ŭłady — heta poŭny zaškvar».
Na efir da Sałaŭjova paklikali Cimura Prachina. Jon siabie prezientuje muzykantam, ale vy možacie pamiatać jaho jak vusača z praŭładnych šeściaŭ (vusy jon nasiŭ da źmieny imidžu).
U efiry abmiarkoŭvali budučy «Słavianski bazar». I Prachin staŭ bić u zvany: maŭlaŭ, tolki pahladzicie, chto tam budzie vystupać. Siarod inšych dastałasia błohieru Dzim Dzimyču (Dźmitryju Siŭčyku).
Prachin staŭ raskazvać pra toje, što Dzim Dzimyč i inšyja artysty «Fłahman Mjuzik» dla aŭdytoryi 0+ na matyŭ pieśni «Ładački-ładki» śpiavajuć pieśni pra ałkahol i narkotyki. A taksama «prapahandujuć ŁHBT».
U tym, što artystaŭ dapuścili na «Słavianski bazar», jon vinavacić Ministerstva kultury.
«Usio, što adbyvajecca na «Słavianskim bazary» ź dziciačym kancertam, błohierami, jakich ciahnuć na estradu, naviazvajuć našym dzieciam, — mina, bomba pad našaha prezidenta. Jak i kim jana była zakładziena, pry jakich abstavinach, treba raźbiracca. Ale ŭ tym, što heta sapraŭdy mina pad prezidenta, ja ŭpeŭnieny»,
— kazaŭ Prachin.
Jaho vystup pierapościła prapahandystka BT Ksienija Lebiedzieva z prypiskaj, što padtrymlivaje pohlady błohiera.
«Takija dziejańni nahadvajuć psichałahičnuju apieracyju, tak zvanuju «miakkuju» siłu: zdajecca, ničoha strašnaha, dziciačyja svavolstvy, a ŭ vyniku spracoŭvaje jak bomba zapavolenaha dziejańnia», — vykazała svaju dumku Lebiedzieva.
Praŭładny kanał «Hrafač» asadziŭ Prachina i kampaniju.
«Skažu adno: biehčy skardzicca na rasijskuju publiku na biełaruskija ŭłady — heta poŭny zaškvar.
Kali admieści šałupinu, prahučała dumka — u viarchach biełaruskaj ułady nibyta niejkaja bieł-čyrvona-bieła-łhbtšniaja zmova. Rasiejcam raspaviadajuć albo niehatyŭ pra Biełaruś, albo pra adsutnaść kantrolu nad situacyjaj», — napisaŭ aŭtar kanała. Ź im pahadzilisia i niekatoryja supracoŭniki ANT.
Kancert, kudy zaprasili Dzim Dzimyča, pavinien adbycca 9 lipienia.
Siońnia, darečy, stała viadoma, što kampanija «Fłahman Mjuzik», jakaja prasoŭvaje Dzim Dzimyča, padała na danosčycu Volhu Bondaravu sudovy pazoŭ ab abaronie honaru i dziełavoj reputacyi.
Błohiera-miljońnika Dzim Dzimyča, jakoha abvinavacili ŭ prapahandzie ŁHBT, prymusili apraŭdvacca na strymie ŭ Azaronka
Paśla danosaŭ prarasijskich aktyvistaŭ papularnamu siarod padletkaŭ błohieru Dzim Dzimyču zabaranili vystupać u škołach
Na Słavianskim bazary vystupić adna artystka z Ukrainy. Čamu ŭ Ani Łorak takaja pazicyja?
Ciapier čytajuć
Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu23
Kamientary