Pahladzieli, što z čerhami na miažy pad Brestam paśla ŭviadzieńnia šerahu novych abmiežavańniaŭ polskim bokam.
Bolš abmiežavańnia — mienš čerhaŭ
Paśla taho, jak Polšča spačatku zabaraniła vyvozić šerah tavaraŭ u Biełaruś, a paśla pierastała ŭpuskać da sabie aŭtamabili, kali ŭ sałonie niama ŭłaśnika aŭto, čerhi na polskim kirunku značna źmienšylisia. Časam ich nie było zusim, jašče miesiac nazad takoje niemahčyma było navat ujavić.
Pa stanie na 20:00 piatnicy, vyjezdu ź Biełarusi ŭ Polšču čakajuć kala 25 lehkavikoŭ.
Unačy, na piku, čarha dasiahała 150 aŭto, ale ciaham dnia źmienšyłasia da 10-30 aŭto.
Kudy bolš achvotnych patrapić z Polščy ŭ Biełaruś, čarha ź lehkavikoŭ raściahnułasia na try kiłamietry.
Tym časam na adzinym dziejnym hruzavym punkcie propusku na miažy z Polščaj situacyja vyhladaje zusim inakš.
Kali ŭ paniadziełak, 8 lipienia, čarhi na vyjezd ź Biełarusi nie było zusim, to viečaram 11 lipienia i ranicaj 12 lipienia sabrałasia čarha z bolš čym 900 vialikahruzaŭ.
Pa stanie na 20:00 piatnicy, u čarzie na vyjezd zastajucca kala 450 fur.
Rezkaje źjaŭleńnie čarhi z 0 da amal 1000 fur adbyłosia paśla taho, jak Polšča prypyniła propusk hruzavikoŭ z terytoryi Biełarusi.
Zhodna sa źviestkami DPK, polski bok pastupova adnaŭlaje byłyja abjomy propusku fur na svaju terytoryju.
Kali pa danych za 9 lipienia polski bok pryniaŭ 915 fur ź Biełarusi, to na nastupnyja sutki ŭsiaho 110, što i pryviało da rezkaha źjaŭleńnia čarhi. Jašče praź dzień palaki aformili 340 fur. Za minułyja sutki ź Biełarusi ŭ Polšču trapili 611 vialikahruzaŭ.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary