Vydaviectva «Januškievič» zapuściła kampaniju pa zbory srodkaŭ na vydańnie pierakładu kłasičnaha ramanu francuzskaha piśmieńnika Alaksandra Dziuma «Hraf Monte-Krysta». Kraŭdfandynhavaja kampanija prachodzić na novaj biełaruskaj placoŭcy «Hronka».
Čamu mienavita «Hraf Monte-Krysta»?
«Hraf Monte-Krysta» — heta nie prosta raman, heta viečnaja historyja pra pryhody, zdradu, niazłomny čałaviečy duch i kančatkovy tryumf. Heta historyja pra toje, jak rašučaść i rozum adnaho čałavieka dazvalajuć jamu padniacca z hłybiń rospačy i damahčysia spraviadlivaści. Temy spraviadlivaści, nadziei i zaciataści znachodziać vodhuk u roznych kulturach i pakaleńniach.
Čamu varta padtrymać hety prajekt?
Pierakład tvoraŭ zamiežnaj litaratury na biełaruskuju movu ŭmacoŭvaje našu moŭnuju identyčnaść i spadčynu. Padtrymlivajučy hetuju kampaniju, čytačy nie prosta finansujuć knihu, a robiać uniosak u kulturny ruch.
Alaksandr Dziuma (1802-1870) — francuzski piśmieńnik, najbolš viadomy svaimi historyka-pryhodnickimi ramanami. Šyrokuju papularnaść jamu prynieśli takija ramany, jak «Try muškieciory» i «Hraf Monte-Krysta», jakija stali kłasikaj suśvietnaj litaratury. Tvory Dziuma vyłučajucca jarkimi piersanažami, zabłytanymi siužetami i imklivym raźvićciom padziej. Jon časta čerpaŭ natchnieńnie ŭ histaryčnych padziejach i fihurach, zachaplalna spałučajučy vydumku z historyjaj.
Vydaviectva prapanuje dla sponsaraŭ nastupnyja łoty:
- 10 jeŭra — zhadka ŭ knizie ŭ śpisie fundataraŭ.
- 25 jeŭra — asobnik knihi ŭ padarunak.
- 50 jeŭra — asobnik + źnižka 10% na knihi vydaviectva na ahulnuju sumu zakazaŭ 1000 złotych, dziejničaje paŭhoda.
- 100 jeŭra — asobnik + źnižka 15% na knihi vydaviectva na ahulnuju sumu zakazaŭ 1500 złotych, dziejničaje hod.
Z zapłanavanych 5000 jeŭra ŭžo sabrana bolš za 1400. Kab padtrymać prajekt — pierachodźcie na sajt «Hronka»
Vychodzić z druku kniha pra lehiendarny rok-hurt «Niejra Dziubiel». Adkryty papiaredni zakaz
Biełarusy zapuścili novuju płatformu dla kraŭdfandynhu
Biełarusy źbirajuć podpisy, kab brytancy dazvolili vydać «Hary Potera»
«Ludzi chočuć litaratury pra siabie, i vielmi važna, kab piśmieńniki na heta reahavali». Vydaviec Januškievič raskazaŭ pra pośpiechi i prablemy svajho biznesu
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary