Minskaje «Dynama» prajhrała ŭ pieršym matčy 2-ha raŭndu Lihi čempijonaŭ
Hulnia prajšła ŭ Bałharyi i skončyłasia ź likam 2:0 na karyść «Łudahorca». Miačy byli zabityja ŭ pieršym tajmie.
Fota: FK «Dynama» Minsk
Matč u adkaz projdzie ŭ Vienhryi 31 lipienia (pačatak u 21:45).
Pieramožca dvuboju sustreniecca ŭ trecim raŭndzie kvalifikacyi Lihi čempijonaŭ ź pieramožcam pary «Linkoln Red Imps» (Hibrałtar) — «Karabach» (Azierbajdžan).
A kamandy, što prajhrajuć, u hetych parach zhulajuć pamiž saboj u 3-m raŭndzie kvalifikacyi Lihi Jeŭropy. Učora «Karabach» vyjhraŭ u Hibrałtary ź likam 2:0.
Zaŭtra, u čaćvier, start u 2-m raŭndzie kvalifikacyi Lihi kanfierencyj voźmie haradzienski «Nioman», jaki zhulaje na vyjeździe z rumynskim ČFR (Kłuž). Pačatak u 20:30.
Na minułym tydni vylecieli z kvalifikacyi Lihi kanfierencyj «Tarpieda-BiełAZ» i «Isłač».
Kamientary