Z bazy danych turmaŭ ZŠA źnikła infarmacyja pra viadomych źniavolenych rasijan
Z bazy źviestak Fiederalnaj pienitencyjarnaj sistemy ZŠA źnikła infarmacyja pra čatyroch viadomych rasijskich źniavolenych. Uvahu na heta źviarnuŭ juryst Ihar Słabych, piša «Mieduza».
Iharu Słabych nie ŭdałosia znajści infarmacyju pra Uładzisłava Klušyna i Alaksandra Vińnika. A ahienctva RIA Novosti paźniej napisała, što z bazy taksama źnikli źviestki pra Maksima Marčanku i Vadzima Kanaščonka. Pry hetym infarmacyja pra inšych viadomych rasijan, naprykład, pra chakiera Uładzimira Dunajeva, zastajecca dastupnaj.
Biznesmien Uładzisłaŭ Klušyn adbyvaje ŭ ZŠA dzieviacihadovy termin pa abvinavačvańniach u chakierstvie i insajdarskim handli. Alaksandr Vińnik abvinavačvajecca ŭ ZŠA ŭ admyvańni čatyroch miljardaŭ dalaraŭ praź biržu kryptavalut VTS-je (prysud jašče nie vyniesieny).
Maksim Marčanka adbyvaje trochhadovaje źniavoleńnie pa abvinavačvańni ŭ kantrabandzie ŭ Rasiju mikraelektroniki padvojnaha pryznačeńnia ŭ abychod sankcyj. Vadzim Kanašenka — mierkavany supracoŭnik FSB, jakoha abvinavačvajuć u kantrabandzie ŭ Rasiju pradukcyi amierykanskich kampanij, jakija padlahajuć ekspartnamu kantrolu.
U Rasii ŭ apošnija niekalki dzion nieviadomaje miescaznachodžańnie mnohich viadomych palitviaźniaŭ — u tym liku Illi Jašyna, Uładzimira Kara-Murzy, Sašy Skačylenki. Palitołahi i ŚMI vykazvajuć zdahadku, što źniknieńnie źniavolenych moža śviedčyć pra ich abmien, što maje adbycca nieŭzabavie.
Kamientary
Sipatyj tolko svoich hraždan biť možiet?