«Palityka — samaja vialikaja prastytucyja». Udava zabitaha Krasikavym čačenca asudziła jaho vydaču Rasii
Udava zabitaha ŭ Bierlinie byłoha čačenskaha palavoha kamandzira Zielimchana Chanhašvili Manana Cacyjeva vykazała nierazumieńnie rašeńniem uładaŭ Hiermanii vydać Rasii zabojcu — aficera FSB Vadzima Krasikava, piša Deutsche Welle.
Žančyna havoryć, što adrazu paśla rašeńnia suda, pa jakim Krasikaŭ byŭ prysudžany da pažyćciovaha źniavoleńnia, chadzili čutki pra sproby Maskvy damovicca pra jahony abmien. Ale advakaty zapeŭnili, što heta nibyta niemahčyma. Ale, «akazvajecca, možna na lubyja zakony zapluščyć vočy» dziela «palityčnych mierkavańniaŭ».
Pry hetym žančyna vykazała ździŭleńnie, što aficyjnyja asoby nie kansultavalisia sa svajakami zabitaha pa pytańni ŭdziełu Krasikava ŭ pracedury abmienu.
«Čamu chacia b nie pytajucca ŭ siamji? Jak byccam hetaj siamji niama, jak byccam hetaja traŭma nie naniesienaja», — dzivicca Cacyjeva.
«Palityka — samaja vialikaja prastytucyja», žyćcio «kožny raz heta dakazvaje», reziumavała ŭdava Chanhašvili.
Čamu rasijskich palitviaźniaŭ vyzvalili, a biełaruskich nie? Usio prosta
Niamieckija ekśpierty ličać abmien źniavolenymi niebiaśpiečnym precedentam
Čamu Pucin tak apantany kileram Krasikavym i byŭ hatovy jaho mianiać navat na Navalnaha?
Jak prachodzili pieramovy, što pryviali da samaha bujnoha abmienu źniavolenymi z času chałodnaj vajny
Kamientary