Pa zdabyčy nafty ŭ Rasii «Biełarusnafta» sioleta dahonić biełaruskija abjomy
Jak paviedamiŭ kiraŭnik «Biełarusnafty» Alaksandr Lachaŭ, čakajecca, što ŭ 2024 hodzie abjomy zdabyčy pradpryjemstvam nafty ŭ Rasii zraŭniajucca ź biełaruskimi.
«Sioleta ŭzrovień zdabyčy nafty i hazu ŭ hetym prajekcie ŭžo budzie supastaŭny z uzroŭniem zdabyčy na biełaruskich radoviščach. Heta taksama kala 2 miljonaŭ ton naftavaha ekvivalentu», — skazaŭ Lachaŭ.
U suviazi z hetym biełaruskija naftaviki majuć namier pašyrać svaju prysutnaść na rynku naftaservisu ŭ Rasii.
«Rasija na siońnia — adna z najbujniejšych krain śvietu pa zdabyčy nafty i hazu, i, naturalna, tam majucca bujnyja viertykalnyja intehravanyja kampanii, takija jak hrupa «Hazpram», «Rasnafta» i inšyja, i my ź imi aktyŭna pracujem z punktu hledžańnia prasoŭvańnia na ich rynak našych technałohij i kaapieracyi pa raspracoŭcy ciažkazdabyvalnych zapasaŭ», — skazaŭ hiendyrektar «Biełarusnafty».
Akramia taho, jon śćviardžaje, što kampietencyi biełaruskich naftavikoŭ zapatrabavanyja i na inšych kantynientach, u pryvatnaści ŭ Łacinskaj Amierycy i ŭ Afrycy.
Ciapier čytajuć
«Adny vierać, što viernucca, inšyja — nie». Jak pracuje biełaruskaja škoła ŭ Polščy1
Kamientary