Milinkievič: Usie ŭdzielniki prahramy fondu Kalinoŭskaha pavinny znachodzicca ŭ roŭnych umovach
U pres-słužbie Alaksandra Milinkieviča abvierhli infarmacyju pra toje, što syn lidera abjadnanych demakratyčnych sił Vitaŭt Milinkievič napiŭsia i nachulihaniŭ u Polščy.
U pres-słužbie Alaksandra Milinkieviča abvierhli infarmacyju pra toje, što syn lidera abjadnanych demakratyčnych sił Vitaŭt Milinkievič debašyryŭ u Polščy.
Infarmacyja pra heta źjaviłasia na sajcie «Biełaruskaja salidarnaść», jaki kuryrujecca lideram KCHP-BNF Zianonam Paźniakom.
U pryśviečanym udzielnikam navučalnaj prahramy fondu Kalinoŭskaha artykule «Ruskija ŭ Polščy» (aŭtar – Marjan Vańkievič), siarod inšaha, śćviardžajecca: «...Potym napiŭsia alkaholu i nachulihaniŭ syn A. Milinkieviča (taksama, akazvajecca, «revalucyjaner», darečy, piŭ i hrubijaniŭ u Polščy pastajanna). Hetaha ŭžo vyhnali...». Poŭny tekst tut: Biełaruskaja salidarnaść
Artykuł prajšoŭ by małazaŭvažanym, kali b nie reakcyja BT. 23 žniŭnia ŭ viečarovaj prahramie «Panarama» byŭ pakazany čarhovy siužet, pryśviečany dziejnaści fondu. U im cytavaŭsia zhadany vyšej artykuł. Hałoŭny sens siužetu – syn A. Milinkieviča vyklučany za deboš.
Ranicaj u čaćvier infarmacyja ab «debašyry» raspaŭsiudzili biełaruskija ŚMI, budujučy svaje artykuły, u asnoŭnym, na artykule Marjana Vańkieviča.
«Naša Niva», kab rasstavić usie kropki, źviarnułasia pa kamentar da pres-sakratara A. Milinkieviča Paŭła Mažejki, jaki zajaviŭ nastupnaje:
«Infarmacyja, ahučanaja BT i sajtam «Biełaruskaja salidarnaść», – chłuśnia. Vitaŭt Milinkievič praciahvaje samastojna ŭ Polščy rychtavacca da pastupleńnia ŭ VNU».
Jak zaznačaje P. Mažejka, hetym letam u Polščy prachodziać moŭnyja kursy, na jakich navučajucca ŭdzielniki prahramy – pakolki navučańnie ŭ polskich VNU vymahaje viedańnie movy.
«Adna z umovaŭ kursaŭ – abaviazkovaje naviedvańnie ŭsich ekskursij i imprezaŭ, što ładziacca ŭ roznych haradach Polščy, – padkreśliŭ Pavał Mažejka. – Adnu z takich ekskursij Vitaŭt Milinkievič praspaŭ».
Pierad arhanizatarami prahramy, źviartaje ŭvahu pres-sakratar, paŭstała prablema: ci varta ŭžyvać žorstkija zachady ŭ dačynieńni da syna niepasrednaha inicyjatara navučalnaj prahramy fondu.
Alaksandar Milinkievič zajaviŭ kiraŭnikam prajektu nastupnaje: «Usie ŭdzielniki prahramy musiać być u roŭnych umovach. Tak pavinna być, nie zvažajučy chto čyj svajak».
Jak vynik, Vitaŭta Milinkieviča pazbavili pražyvańnia ŭ internacie, adnak jon praciahvaje samastojna padrychtoŭku da ispytaŭ u adzin z polskich universytetaŭ.
Fota Julii Daraškievič
Ciapier čytajuć
Ceny na kvatery ŭ «Minsk-Śviecie» padajuć, a ŭ Minsku — rastuć. Sumnyja pierśpiektyvy dla rajona?5
Kamientary