Pasolstva Italii vyrašyła praviarać metavaje vykarystańnie viz
Pra heta ŭ paniadziełak papiaredziŭ vizavy centr, jaki pracuje z dypłamatyčnym pradstaŭnictvam. Pry paŭtornaj padačy na vizu daviadziecca prykłaści dakumienty, jakija paćviardžajuć jaje vykarystańnie.
«Pasolstva Italjanskaj Respubliki pravodzić vybaračny manitorynh metavaha vykarystańnia vydadzienych viz. Atrymańnie italjanskaj šenhienskaj vizy praduhledžvaje, što hałoŭnaj krainaj pryznačeńnia źjaŭlajecca Italija (što nie vyklučaje tranzit abo znachodžańnie ŭ inšych krainach Šenhienskaj zony). U suviazi z hetym pry paŭtornym zvarocie pa vizu my prosim zajaŭnikaŭ pradstavić śviedčańni raniejšych pajezdak u Italiju», — havorycca ŭ paviedamleńni centra.
U jakaści prykładaŭ paćviardžalnych dakumientaŭ u centry nazvali:
- apłačanaje pražyvańnie ŭ Italii z ukazańniem proźviščaŭ i dat;
- apłačanyja kvitki ŭ Italiju;
- imiannyja čeki na vydatki ŭ Italii (suma adnaho nie mienš za 50 jeŭra);
- vypiska z bankaŭskaha rachunku, jakaja adlustroŭvaje vydatki ŭ Italii;
- sumiesnyja fatahrafii — dla zajaŭnikaŭ pa zaprašeńni hramadzian Italii.
«Vyšejpakazanyja materyjały nie ŭvachodziać u abaviazkovy pakiet dakumientaŭ, ale mohuć być karysnymi dla rašeńnia ab vydačy vizy. Hraničny abjom — da 4 arkušaŭ», — havorycca ŭ abjavie.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary