Łukašenka nazvaŭ litoŭcaŭ varjatami, kamientujučy zabaronu na ŭjezd aŭto
Alaksandr Łukašenka ŭ intervju telekanału «Rasija» prakamientavaŭ zabaronu na ŭjezd lehkavych aŭtamabilaŭ ź biełaruskimi numarami ŭ Litvu.
«Varjaty. Ja na vašym miescy mnohija b pytańni nakont Litvy i nie kamientavaŭ. Bo jany nie viedajuć sami, što robiać. Heta varjaty, samyja sapraŭdnyja varjaty. Nu što pra ich kazać. Kali b tam byli adkaznyja palityki, my mahli b abmiarkoŭvać ich palityku. Ale tam adkaznych palitykaŭ niama», — zajaviŭ jon.
Pavodle słoŭ Alaksandra Łukašenki, z ekanamičnaha punktu hledžańnia ŭ hetym rašeńni litoŭskich uładaŭ jość navat plusy. «Dziakuj bohu. Našy pierastanuć vyvozić (choć ciapier pamienš stała) hrošy za miežy Biełarusi i Rasii. Toje ž samaje rasijanie. Hrošy zastanucca tut. Hety tak zvany ekanamičny turyzm — heta vielizarnyja srodki, jakija vyvozilisia adsiul», — dadaŭ jon.
Litva ŭvodzić zabaronu na ŭjezd mašyn z 16 žniŭnia. Pryčym zusim niavažna, jakoje hramadzianstva ŭ kiroŭcy abo ŭładalnika mašyny.
Uviedzienaja 18 lipienia 2024 hoda zabarona nie raspaŭsiudžvajecca na aŭto, jakija naležać jurydyčnym asobam abo vykarystoŭvajucca ŭ kamiercyjnych metach.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary