«Pryjšoŭ Spas — pajšło leta ad nas», kaža narodnaja mudraść.
Pravasłaŭnyja śviatkujuć 19 žniŭnia Pieramianieńnie Haspodniaje — abo Jabłyčny Spas.
Niezadoŭha da Hałhofy Isus Chrystos uźniaŭsia z tryma apostałami — Piotram, Jakubam i Janam — na haru Tabor u Halilei, dzie «pieramianiŭsia pierad imi. Abličča Jahonaje zaźziała, byccam sonca, a vopratka stałasia biełaj jak śnieh». Apostały pabačyli, jak praroki Illa i Majsiej havorać sa Zbaŭcam. «I voś śvietłaja chmara pakryła ich, i z chmary byŭ čutny hołas, jaki kazaŭ: «Heta Syn Moj luby, jakoha Ja ŭspadabaŭ: Jaho słuchajcie!», — staić u Jevanhielli.
***
Pryjšoŭ Piatrok — apaŭ listok, pryjšoŭ Illa — apała dva, pryjšoŭ Spas — pajšło leta ad nas, kaža narodnaja mudraść.
Što praŭda, siońnia budzie vielmi ciopła, u Minsku da +30°S, ale z daždžami i navalnicami, pa Homielščynie čakajecca da +35°S.
Kali busły nie adlatajuć da Spasa, to zima budzie miakkaja i ciopłaja. Jaki druhi Spas, taki i studzień.
Ciapier čytajuć
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola11
Kamientary