Nastaŭnik — heta čałaviek prezidenta, zajaviŭ Alaksandr Łukašenka na Respublikanskaj piedahahičnaj naradzie havoračy pra prestyž prafiesii, piša BIEŁTA. Znoŭ papužaŭ bizunom, łapciami i zaklikaŭ iści ŭ skład vybarčych kamisij.
Łukašenka vielmi błytana patłumačyŭ tezu, što piedahohi — heta jaho ludzi i što jon źbirajecca padniać prestyž nastaŭnickaj prafiesii.
«Nastaŭnik pavinien być bolš čym śviatym čałaviekam u škole! Tamu treba zrabić maksimum u hetym płanie. I pierš za ŭsio vy pavinny heta zrabić, vy [nastaŭniki] pavinny hetaha zachacieć, a my [ułada] pavinny akazać usialakuju padtrymku. Nastaŭnik — heta čałaviek prezidenta. Tamu 50 adsotkaŭ vašaj nahruzki — heta maja nahruzka. Usio, što tyčycca temy niaščasnych siemjaŭ, umoŭ žyćcia sacyjalna ŭraźlivych dziaciej, prafiłaktyčnaj i arhanizacyjnaj pracy, — kinuć nastaŭnika sam-nasam z hetymi pytańniami my nikomu nie dazvolim», — zajaviŭ jon.
Łukašenka padkreśliŭ, što niedapuščalna, što «prakurory i dziaržkantrol čaściej chodziać pa asobnych škołach, čym načalniki «ad adukacyi».
Jon zaŭvažyŭ, što prestyž luboj prafiesii praduhledžvaje i dastojny zarobak.
«Pa zarpłatach my ŭpieršyniu ŭ historyi nablizilisia da siaredniaj pa krainie. Tut aryfmietyka prostaja: vy rychtujecie kankurentazdolnych śpiecyjalistaŭ, ekanomika raście — rastuć vašy dachody», — pierakłaŭ jon adkaznaść za zarobak na samich nastaŭnikaŭ.
Ale ŭsio ž paabiacaŭ, što da 2025 hoda zarpłata rabotnikaŭ adukacyi budzie roŭnaj siaredniaj pa krainie.
Taksama Łukašenka padkreśliŭ, što nastaŭniki nie pavinny bajacca iści ŭ skład vybarčych kamisij — u 2025 hodzie ŭ krainie pavinny prajści prezidenckija vybary.
«Ja vielmi spadziajusia na vas. Tolki nastaŭnik moža pravieści ŭnizie tuju palityku, jakuju ja chaču, kab pravodziłasia. Tamu ja kazaŭ pra toje, što vy nikoha nie pavinny bajacca. Vy haspadary ŭ hetaj krainie. Jak tolki zdryhanieciesia — usio, zaŭtra rychtujcie łapci (bizun nam užo padrychtavali). Tamu ni ŭ jakim razie nie adstupajcie, nikoha nie bojciesia», — skazaŭ Łukašenka.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary