Kultura33

Minsk jak biełaruskaja stalica na novaj vystaŭcy ŭ Nacyjanalnym mastackim muziei

Vystaŭka «I ty zakrasuješ, naš Minsk staradaŭni» znajomić naviedvalnikaŭ z abliččam biełaruskaj stalicy praz pohlad mastakoŭ pačatku XX stahodździa i da 1968 hoda.

«Novy Minsk. Vakzał». David Hienin, 1953. 

Stahodździe tamu abličča i krajavidy Minska mocna adroźnivalisia ad viadomaha sučasnamu čałavieku haradskoha asiarodździa. Na pačatak XX stahodździa horad znachodziŭsia na składanaj hieahrafičnaj i histaryčnaj pieryfieryi, i ŭžo ŭ kancy 1910-ch hadoŭ, paśla zakančeńnia Pieršaj suśvietnaj vajny, raspačałasia novaja hłava historyi Minska ŭ jakaści stalicy Biełarusi.

Ekspanaty na vystaŭcy. Fota: telehram-kanał «Vaš Chudožiestviennyj»
Ekspanaty na vystaŭcy. Fota: telehram-kanał «Vaš Chudožiestviennyj»

U 1920—1930-ja hh. u Minsk prybyvaje ŭsio bolš i bolš novych žycharoŭ. U hety pieryjad u horadzie pracujuć viadomyja architektary, u tym liku Iosif Łanhbard, Hieorhij Łaŭroŭ i inš., pry ŭdziele jakich źjaŭlajecca novaja architektura, atrymlivaje svajo raźvićcio ŭsia infastruktura horada. Nie pakidaje abyjakavym horad i mastakoŭ. Usio bolš źjaŭlajecca roznych hrafičnych i žyvapisnych zamalovak, jakija raskryvajuć staronki z žyćcia Minska. Hety pieryjad adlustravany ŭ rabotach mastakoŭ, takich, jak Arkadź Astapovič, Jazep Drazdovič, Mikałaj Dučyc, Mikałaj Tarasikaŭ, Michaił Filipovič, Miejer Ślapian i inš.

Ekspanaty na vystaŭcy. Fota: telehram-kanał «Vaš Chudožiestviennyj»
Ekspanaty na vystaŭcy. Fota: telehram-kanał «Vaš Chudožiestviennyj»

Paśla burnaha «naradžeńnia stalicy» prychodzić Vialikaja Ajčynnaja vajna, jakaja pakinuła niezhładžalny trahičny śled u žyćci horada. Razburany, spaleny Minsk i jaho ruiny stali adnoj z hałoŭnych tem u tvorčaści mastakoŭ hetaha pieryjadu, takich jak Askar Maryks, Monas Manaszon, Pavieł Hutkoŭski i Anatol Tyčyna.

Ekspanaty na vystaŭcy. Fota: telehram-kanał «Vaš Chudožiestviennyj»
«Zima». Uładzimir Pasiukievič, 1968. Fota: telehram-kanał «Vaš Chudožiestviennyj»

Paśla vajny horad z novaj staronki pačynaje zdabyvać svajo abličča. Pastupova adnaŭlajecca ŭsia infrastruktura. Mastaki, jak reparciory, fiksujuć usie etapy pieratvareńnia horada, pačynajučy z adnaŭleńnia razburanych budynkaŭ i ŭźviadzieńnia novych. Usio čaściej vobraz Minska źjaŭlajecca na rabotach mastakoŭ u roznych vidach mastactva: u aryhinalnaj i tyražnaj hraficy, žyvapisie, skulptury, dekaratyŭna-prykładnym mastactvie. U hety pieryjad sapraŭdnymi «pieśniarami» Minska stanoviacca: Leŭ Lejtman, David Hienin, Siamion Hierus, Izrail Basaŭ, Siarhiej Katkoŭ, Natan Voranaŭ i inš.

Ekspanaty na vystaŭcy. Fota: telehram-kanał «Vaš Chudožiestviennyj»
Ekspanaty na vystaŭcy. Fota: telehram-kanał «Vaš Chudožiestviennyj»

Na vystaŭcy, jakaja adkryłasia 23 žniŭnia, pradstaŭleny raboty z fondaŭ Nacyjanalnaha mastackaha muzieja, Dziaržaŭnaha muzieja historyi biełaruskaj litaratury, Biełaruskaha dziaržaŭnaha archiva-muzieja litaratury i mastactva i Nacyjanalnaha centra sučasnych mastactvaŭ. 

Vystaŭka budzie ekspanavacca pa 6 kastryčnika 2024 hoda ŭ vystavačnym korpusie muzieja pa vulicy Karła Marksa, 24.

Ekspanaty na vystaŭcy. Fota: telehram-kanał «Vaš Chudožiestviennyj»

Kamientary3

  • Eee
    30.08.2024
    Heta telehram-kanał Nacyjanalnaha mastackaha muzeja nazyvajecca "Vaš Chudožiestviennyj"?
  • Andrej
    30.08.2024
    Eee, tak)
  • Imia
    01.09.2024
    Andrej, tady niachaj sami kuplajuć kvitki na svaje vystavy

Ciapier čytajuć

Łukašenka pra Zialenskaha: Vałodzia jak syn mnie byŭ, ale pastupiŭ jak hnida7

Łukašenka pra Zialenskaha: Vałodzia jak syn mnie byŭ, ale pastupiŭ jak hnida

Usie naviny →
Usie naviny

«Niaskoranaje pakaleńnie». Vyjšła kniha ab represavanych studentach4

Čynoŭnica Homielskaha abłvykankama ŭ razmovie z błohieram pryznałasia ŭ palityčnych čystkach2

«A mianie za što?» I kupcy sa Smalenska, jakija nachabna źbivajuć košt dziedavaj chaty — strašnaja kniha pra nastupstvy5

«Kultura i mastactva» praviała na piensiju hałoŭnuju redaktarku. Ni słova pa-biełarusku16

U Ispanii znajšli frahmienty kostak samaha staražytnaha ź viadomych u Zachodniaj Jeŭropie ludziej1

Zvolnili dyrektara Biełdziaržfiłarmonii1

Pamior Hienadź Zabara

Rasija nie maje šancaŭ u sutyknieńni ź Jeŭropaj. Ale ź dźviuma ŭmovami19

Danateła Viersače sychodzić z pasady kreatyŭnaj dyrektarki Versace paśla 28 hadoŭ pracy

bolš čytanych navin
bolš łajkanych navin

Łukašenka pra Zialenskaha: Vałodzia jak syn mnie byŭ, ale pastupiŭ jak hnida7

Łukašenka pra Zialenskaha: Vałodzia jak syn mnie byŭ, ale pastupiŭ jak hnida

Hałoŭnaje
Usie naviny →

Zaŭvaha:

 

 

 

 

Zakryć Paviedamić