U Varšavie pradajuć mikrakvateru z ahulnaj płoščaj 10 «kvadrataŭ». Košt uražvaje
Niahledziačy na vielmi ścipłyja pamiery, u kvatery jość usio nieabchodnaje dla žyćcia, praŭda, naŭrad ci kamfortnaha.
Kvatera znachodzicca ŭ centralnaj častcy Varšavy ŭ adnoj chvilinie chady ad parka Mačydła (polsk. Park Moczydło). Za pamiaškańnie ahulnaj płoščaj 10 m² prosiać 320 tysiač złotych, što kala 83 tysiač dalaraŭ.
Niahledziačy na mizernyja pamiery, ułaśniku žytła ŭdałosia raźmiaścić tam usio nieabchodnaje.
Vykarystany kožny santymietr
Pradaviec apisvaje žytło, jak biesprecedentna ŭnikalnuju, sučasnuju i simpatyčnuju mikrakvateru, jaka składajecca z pakoja ź mini-kuchniaj i vannaha pakoja. Aŭtar abjavy padkreślivaje, što ŭ kvatery vykarystany kožny santymietr prastory.
U asnoŭnym pamiaškańni znachodzicca mini-kuchnia z umyvalnikam, vyciažkaj, ladoŭniaj i varačnaj panellu na dźvie kanforki. Tam ža staić pralnaja mašyna. Jość adkidny stoł, šafa i raskładnaja kanapa. U kalidorčyku stajać tumbački i składnoje kresła.
Vanny pakoj — heta asobnaje pamiaškańnie z unitazam i dušavoj kabinaj. Dla ŭmyvalnika, vidavočna, volnaha miesca ŭžo nie zastałosia.
Parady dla inviestaraŭ
Siarod davoli praciahłaha pieraliku pieravah mikrakvatery za 83 tysiačy dalaraŭ pradaviec zapeŭnivaje, što takoje ŭkładańnie hrošaj vielmi vyhadnaje, bo standartnaja «kavalerka» płoščaj 20 «kvadrataŭ» u hetym rajonie Varšavy kaštuje 450-500 tysiač złotych (kala 115-130 tysiač dalaraŭ), tamu, nabyvajučy hetuju kvateru, patencyjny pakupnik aščadžaje bolš za 100 tysiač złotych (kala 26 tysiač dalaraŭ).
Taksama pradaviec padkreślivaje, što padobnaje žytło musić zacikavić inviestaraŭ, jakija zdajuć kvatery ŭ karotkaterminovuju arendu abo studentam.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT12
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary
Sprava vielmi hučnaja. A z ulikam taho, što zaraz šmat biełarusaŭ u Polščy, mahło b być cikava. I napeŭna takija naviny bolš istotnyja, čym čarhovyja artykuły z apraŭdańniem ideałohii hiendar ci pra rasiejskija zorki.