Minsk niadaŭna pastaviŭ rekord pa košcie kvadratnaha mietra za apošnija 9 hadoŭ. Pahladzieli, ci rastuć ceny na kvatery ŭ abłasnych centrach.
Plus 10% ad pačatku hoda
Tradycyjna samy darahi siarod abłasnych centraŭ Brest.
Zhodna sa statystykaj, pryviedzienaj kaapieratyvam «Žyllovy bałans», pa stanie na 1 žniŭnia siaredni košt kvadratnaha mietra ŭ Breście składaje 959 dalaraŭ. Heta plus 1,5% u paraŭnańni z 1 lipienia. Ad pačatku hoda siaredniaja cana «kvadrata» ŭ hetym abłasnym centry vyrasła na 9,9%.
Nastupnym pa darahaviźnie kvadratnaha mietra idzie Hrodna. Pa stanie na 1 žniŭnia siaredniaja cana kvadratnaha mietra ŭ hetym abłasnym centry składaje 837 dalaraŭ. Miesiačny pryrost 0,8%. Ad pačatku hoda cana kvatery ŭ Hrodnie vyrasła na 5,4%.
Na ŭschodzie tańniej
Siaredni košt kvadrata ŭ Mahilovie pa stanie na pačatak žniŭnia — 811 dalaraŭ za m². Miesiačny pryrost 0,6%. Ad pačatku hoda kvatery ŭ Mahilovie padaraželi na 5,5%.
Taki samy košt mietra i ŭ Homieli — 811 dalaraŭ za m² pa stanie na 1 žniŭnia. Miesiacam raniej było $803. Pryrost skłaŭ 1%. Ad pačatku hoda siaredni košt kvadratnaha mietra ŭ hetym abłasnym centry vyras na 9,3%.
Samyja nizkija ceny na kvatery siarod abłasnych centraŭ u Viciebsku. Pa stanie na pačatak žniŭnia mietr u Viciebsku ŭ siarednim kaštuje $751. Miesiačny pryrost skłaŭ 1,1%. Usiaho za siem miesiacaŭ hetaha hoda ceny na kvatery ŭ Viciebsku vyraśli ŭsiaho na 1,6%.
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary