Ułady ŭsio ž vyrašyli dać Marynie Vasileŭskaj dypłom dziaržaŭnaha ŭniviersiteta
Zdahadajciesia ź pieršaj sproby, dzie budzie vučycca Maryna Vasileŭskaja.
U svaim niadaŭna stvoranym instahramie pieršaja biełaruskaja kaśmičnaja turystka pachvaliłasia tym, što sioleta taksama stała studentkaj. Vybar navučalnaj ustanovy naŭrad ci ździvić: 33-hadovaja Maryna Vasileŭskaja budzie vučycca ŭ Akademii kiravańnia, u mahistratury.
— Skaraju novyja haryzonty. Viedy — siła. Dla mianie vysoki honar praciahvać svaju adukacyju ŭ adzinaj ustanovie našaj krainy, jakaja nosić imia Prezidenta. «Prezidenckaja» — značyć najlepšaja, — napisała Vasileŭskaja.
Na fota jana paziruje ź simvaličnym paśviedčańniem mahistranta, jakoje joj uračysta ŭručali ministr zamiežnych spraŭ Maksim Ryžankoŭ i rektar Akademii kiravańnia Ihar Buzoŭski.
Nahadajem: biełaruskaja prapahanda ad samaha pačatku bijahrafiju Maryny Vasileŭskaj sprabavała napisać amal što z nula, pakinuŭšy ŭ jaje historyi šmat biełych plam. Navat pra vyšejšuju adukacyju dziaŭčyny (byli pytańni, ci jość u jaje choć jaki-niebudź dypłom) saromielisia kazać. U žurnalistaŭ «Lusterka» atrymałasia vyśvietlić, što Maryna Vasileŭskaja zavočna vučyłasia ŭ Minskim inavacyjnym univiersitecie pa śpiecyjalnaści «mieniedžar-ekanamist». U 2024 hodzie hetaja pryvatnaja navučalnaja ŭstanova kančatkova spyniła adukacyjnuju dziejnaść.
Vasileŭskaja zorka: prapahanda narešcie stvaryła aficyjny akaŭnt u instahramie dla kaśmičnaj turystki
Maryna Vasileŭskaja raskazała, pra što ŭ jaje najčaściej pytajecca pracoŭny lud. Pytańnie vas šakuje
Botaŭ adpravili adbielvać Vasileŭskuju, stała viadomaja mietadyčka
Pytańnie, ci źjaŭlajecca Maryna Vasileŭskaja prafiesijnaj kasmanaŭtkaj, prajaśniŭ «Raskosmas»
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary
Ty lataješ da niabios,
I paŭsiudna prasłaŭlaješ
Mać tvaju, KPSS!