Prezident Ukrainy taksama skazaŭ, što Pucin «baicca» Kurskaj apieracyi.
Prezident Ukrainy Uładzimir Zialenski ŭ intervju ABC News zajaviŭ, što vajna Rasii suprać Ukrainy «bližejšyja da zakančeńnia», čym mnohija dumajuć, i zaklikaŭ sajuźnikaŭ umacoŭvać ukrainskaje vojska, piša «Ukrainskaja praŭda».
«Płan pieramohi — heta ŭmacavańnie Ukrainy. Voś čamu my prosim našych siabroŭ, našych sajuźnikaŭ umacavać nas. Heta vielmi važna. Ja dumaju, my bližej da miru, čym dumajem. My bližejšyja da zakančeńnia vajny».
U publikacyi adznačajuć, što Zialenski nieadnarazova źviartaŭsia da Złučanych Štataŭ i Brytanii z zaklikam źniać abmiežavańni na vykarystańnie rakiet vialikaj dalokaści, jakija jany dali Ukrainie dla parazy celaŭ u hłybini Rasii.
Razam z tym kiraŭnik Rasii Uładzimir Pucin papiaredziŭ, što vykarystańnie zachodniaj zbroi dla ŭdaraŭ pa rasijskich celach budzie razhladacca jak surjoznaja eskałacyja vajny i naŭprostavy vyklik z boku krain NATO.
Prośba Zialenskaha źjaviłasia na fonie žorstkich bajoŭ na ŭschodzie Ukrainy, a taksama praź niekalki tydniaŭ paśla apieracyi Ukrainy ŭ Kurskaj vobłaści Rasiei.
Zialenski skazaŭ, što Pucin «baicca» Kurskaj apieracyi.
«Heta praŭda. Jon vielmi baicca. Čamu? — Bo jaho ludzi ŭbačyli, što jon nie moža abaranić… navat svaju terytoryju».
Zialenski dadaŭ, što tolki z «mocnaj pazicyi» Ukraina moža «padšturchnuć Pucina da spynieńnia vajny».
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali12
Kamientary