CHAMAS vykazaŭ salidarnaść z «Chiezbałoj» i prymaje dadatkovyja miery biaśpieki
Paśla likvidacyi kiraŭnika «Chiezbały» Chasana Nasrały paleścinskaja arhanizacyja CHAMAS abjaviła pra svaju salidarnaść z «Chiezbałoj». U toj ža čas jana pryniała rašeńnie ab zamienie hrupy biaśpieki svajho lidara ŭ siektary Haza Jachji Sinvara.
Taksama kiraŭnictva CHAMAS časova spyniła kantakty ź lidarami ruchu, jakija znachodziacca za miažoj. Adnačasova z hetym CHAMAS i jaho sajuźniki z «Isłamskaha džychada» vyrašyli prypynić praviadzieńnie sustreč u Livanie.
Pavodle danych telekanała «Al-Arabija», kiraŭnictva CHAMAS źmianiła svaje mietady suviazi i ciapier abmiažoŭvajecca tolki piśmovaj pierapiskaj.
Taksama arhanizacyja nastojvaje na tym, kab u ramkach lubych budučych pieramoŭ ab spynieńni ahniu była praduhledžanaja harantyja biaśpieki dla jaje lidaraŭ.
Uvohule Izrail ataku na Livan, u vyniku jakoj zahinuŭ hiensiek «Chiezbały» Chasan Nasrała, ździejśniŭ nibyta z-za jahonaj admovy spynić bajavyja dziejańni na paŭnočnaj miažy Izraila i spynić padtrymku CHAMASa, piša Axios sa spasyłkaj na krynicy.
Pa słovach adnaho ź izrailskich čynoŭnikaŭ, rašeńnie ab likvidacyi Nasrały było pryniata ŭ čakańni «apieratyŭnaj mahčymaści». Z-za niemahčymaści damovicca z hetym dziejačam było vyrašana «prybrać jaho z pracesu pryniaćcia rašeńniaŭ», dadaŭ čynoŭnik.
Krynicy vydańnia Ynet paćvierdzili, što paśla zabojstva Chasana Nasrały Izrail i Livan mohuć stvaryć umovy dla dasiahnieńnia pahadnieńnia.
Akramia Nasrały, u Livanie zabili jašče i iranskaha hienierała
«Nasrału zabili, kali jon hladzieŭ pramovu Nietańjachu ŭ AAN». Jak Izrail padmanuŭ lidara «Chiezbały»
Ali Chamieniei pieraviali ŭ biaśpiečnaje miesca
Izrail zabiŭ kiraŭnika «Chiezbały» Chasana Nasrału
Lidar «Chiezbały» pierastaŭ vychodzić na suviaź paśla izrailskich udaraŭ pa Livanie
«Chiezbała» zapuściła bolš za 100 rakiet pa Izrailu, CACHAŁ nanios udary pa Livanie
Kamientary
Połučili i pozor i vojnu.
Siejčas tu žie ošibku sovieršajet Iran.
I končit tak žie.