Viadomy irłandski biudžetny avijapieravozčyk Ryanair płanuje ŭkaranić novaje praviła, jakoje maje na mecie prymusić navat samych kansiervatyŭnych pasažyraŭ zasvojvać novyja technałohii.
Da maja 2025 hoda Ryanair płanuje admovicca ad papiarovych pasadačnych tałonaŭ i stojek rehistracyi. Kiraŭnik Ryanair Majkł O'liry zajaviŭ, što ŭsim pasažyram pryjdziecca rehistravacca na rejsy anłajn abo praz mabilnuju prahramu da prybyćcia ŭ aeraport.
Pasažyram, jakija hetaje patrabavańnie praihnarujuć, pry pasadcy pryjdziecca zapłacić dadatkovyja 55 funtaŭ sterlinhaŭ (kala €65).
«My chočam pazbavicca ad pravierak u aeraporcie hetak ža sama, jak my pazbavilisia ad bahažnych stojek. My pracujem nad tym, kab z 1 maja ŭsio rabiłasia ŭ prahramie, bolš ničoha nie budzie rabicca na papiery», — skazaŭ Majkł O'Liry na pres-kanfierencyi ŭ Dublinie.
U toj ža čas praduhledžanyja pracedury na vypadak, kali ŭ pasažyra razradzicca batareja telefona.
«Kali ŭ vas razradzicca batareja, u nas budzie vaša miesca i pašpart, i my zmožam zrabić heta na vychadzie na pasadku», — udakładniŭ kiraŭnik Ryanair.
Na hety momant mabilnuju prahramu pieravozčyka vykarystoŭvajuć 60% pasažyraŭ, i O'Liry čakaje, što da kanca 2024 hoda hety pakazčyk vyraście da 80%. Da maja 2025 hoda ŭ klijentaŭ nie zastaniecca inšaha vybaru, akramia jak vykarystoŭvać aplikacyju.
Ciapier čytajuć
Stała viadoma pra aryšt papularnaj mastački Aksany Šalapinaj3
Stała viadoma pra aryšt papularnaj mastački Aksany Šalapinaj
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary