U Minsku spynili tavaryski futbolny matč z-za masavaj bojki pamiž hulcami
Hulniu pamiž futbolnymi kłubami «Minsk» i «Maładziečna-2018», jakaja siońnia prachodziła ŭ stalicy, nie dała skončyć bojka ŭ druhim tajmie.
Pra heta paviedamlaje vydańnie «Biełaruski futboł».
«Matč spynieny z-za masavaj bojki na poli», — paviedamili ŭ telehram-kanale «Maładziečna-2018». Paźniej hety dopis byŭ vydaleny, i kłub nazvaŭ inšuju pryčynu spynieńnia hulni: «pa ŭzajemnaj zhodzie kamand».
Pajadynak zaviaršyŭsia ź likam 1:0 na karyść staličnaha kłuba.
Pra fakt kanfliktu pamiž hulcami zhadvajuć hledačy, jakija kamientavali hetuju navinu na roznych placoŭkach.
«Byŭ na matčy, źlacielisia tam praktyčna ŭsie mamientalna. Foł byŭ na kimści, i potym pačałasia bojka», — napisaŭ adzin z padpisčykaŭ kanała.
«A na poli byli prafiesijnyja hulcy i pryčym futbalisty. Tak rabić nielha. I ładzić razborku, puskajučy ŭ chod kułaki, vielmi sumnieŭna», — napisaŭ inšy.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii19
Kamientary