34-hadovy pieruanski abaronca Chase Uha de ła Krus Miesa pamior paśla ŭdaru małanki padčas futbolnaha matču.
Incydent adbyŭsia na 23-j chvilinie sustrečy pamiž kłubami «Chuvientud Biełavista» i «Familija Čoka», jaki prachodziŭ u pieruanskim horadzie Uankajo.
Futbalisty abiedźviuch kamand pakidali pole z-za taho, što pačałasia navalnica. I jakraz u hetym momant udaryła małanka.
Udar byŭ nastolki mahutnym, što vidavočcy apisvali jaho jak «uspyšku, jakaja azaryła ŭsio pole». Chase Uha de ła Krus Miesa pryniaŭ na siabie asnoŭny ŭdar stychii.
Niahledziačy na apieratyŭnuju reakcyju miedycynskaj bryhady i terminovaje transpartavańnie ŭ balnicu, vyratavać žyćcio futbalista nie ŭdałosia. Jahonyja tavaryšy pa kamandzie, jakija znachodzilisia pablizu, atrymali apioki.
Heta zdareńnie ŭskałychnuła ŭvieś pieruanski futboł. Miascovyja ŚMI pišuć pra nieabchodnaść pierahladu praviłaŭ biaśpieki padčas niespryjalnych umoŭ nadvorja. U sacyjalnych sietkach hučać zakliki, što kožny stadyjon u rehijonie pavinien mieć sučasnuju sistemu małankaachovy.
Pad Navahrudkam małanka spaliła 70 ton sałomy
«Takoje možna ŭbačyć tolki ŭ kino». Estonski fatohraf źniaŭ navalnicu padčas paŭnočnaha źziańnia FOTY
Małanka ŭdaryła ŭ čatyroch čałaviek pierad hałoŭnym chramam Uzbrojenych Sił Rasii
Ci možna karystacca telefonam u navalnicu? Raskazvaje navukoviec
Žycharka Hrodna pakazała, jak vyhladaje dačny domik paśla ŭdaru małanki
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary