«Što voźmieš z hetaha dzieda?» Na biełaruskaj trybunie padčas matču ŭ Varšavie zdaryłasia patasoŭka
Kanflikt uźnik pamiž zaŭziataram z nacyjanalnaj simvolikaj i čałaviekam z šalikam «Dynama», piša Most.
Patasoŭka zaviazałasia padčas druhoha tajmu matču pamiž varšaŭskaj «Lehijaj» i minskim «Dynama».
Častka biełarusaŭ z nacyjanalnaj simvolikaj zaniała adnu z trybun stadyjona. Byli tam i ludzi z šalikami minskaha «Dynama».
U niejki momant mužčyna hadoŭ piacidziesiaci z šalikam «Dynama» ŭskočyŭ ź miesca i vybieh u kalidor, dzie šturchnuŭ maładoha zaŭziatara.
Pa viersii vydańnia, chłopiec raniej adabraŭ u fanata «Dynama» jaho atrybutyku: aburyŭsia, što na trybunach jość ludzi, jakija padtrymlivajuć «režymny kłub».
Prychilnika minskaha kłuba i prychilnika pratestaŭ raźniała achova.
«Supakojsia, chiba pa im nie vidać, što jon stary zaciaty fanat «Dynama»? Što ty voźmieš z hetaha dzieda?» — tak supakojvali zaŭziatara adnadumcy.
«Dynama» sastupiła «Lehii» ŭ matčy Lihi kanfierencyj ź likam 0:4. Ale asnoŭnyja padziei adbyvalisia na trybunach: biełaruskija i polskija zaŭziatary padrychtavali šerah pierfomansaŭ.
Žančyna ŭ čyrvona-zialonym na matčy ŭ Varšavie: Ja naradziłasia, kali byŭ taki ściah, i ja chaču pamierci ź im
Haračy viečar u Varšavie — minskaje «Dynama» nie vytrymała nacisku «Lehii». Ale samaje cikavaje adbyvałasia na trybunach FOTAREPARTAŽ
Minskaje «Dynama» hulaje ŭ Varšavie. Na trybunach — BČB-ściahi i palityčnyja baniery ŠMAT FOTA
Chto taja žančyna, što pryjšła na matč «Dynama-Minsk» u Varšavie z čyrvona-zialonym ściaham
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj11
Kamientary
Pa-pieršaje, na haściavym siektary ŭ asnoŭnym byli mienavita fanaty. Adsotkaŭ na 90. I nijakaj zabarony na dynamaŭskuju simvoliku tam nie było. Biełarusy, jakija nie majuć dačynieńnia da fanataŭ, znachodzilisia na inšych siektarach.
Pa-druhoje, vy kažacie pra zusim inšy vypadak. Pjanaha nieadekvata vyhnali ź siektara z dapamohaj ściuardaŭ. Heta adbyłosia jašče ŭ pieršym tajmie, a na dzieda, pra jakoha piša Most, najechali ŭ druhim