«Kanstytucyja nie dazvalaje». Va Ukrainie prakamientavali prapanovu savietnika Trampa raźvitacca z Krymam
«Ukraina nie moža achviaravać ni Krymam, ni inšymi terytoryjami».
U intervju BBC deputat Viarchoŭnaj rady ad praprezidenckaj partyi «Słuha naroda» Alaksandr Miarežka prakamientavaŭ vykazvańni blizkaha da Donalda Trampa respublikanskaha palittechnołaha Brajana Łanza, jaki ličyć, što budučaja administracyja nie budzie padtrymlivać imknieńnie Ukrainy viarnuć usie zachoplenyja Rasijaj terytoryi, u tym liku Krym.
«My nie možam pahadzicca na heta z usich punktaŭ hledžańnia, tamu što z punktu hledžańnia našaha kanstytucyjnaha prava pra heta nie moža być havorki», — skazaŭ Miarežka, jaki ŭznačalvaje kamitet Rady pa źniešniaj palitycy.
«Kanstytucyja nie dazvalaje nijakamu ŭradu ci prezidentu achviaravać terytaryjalnaj cełasnaściu i admovicca, naprykład, ad Kryma. Heta absalutna niemahčyma. Z palityčnaha punktu hledžańnia heta taksama niemahčyma, bo va Ukrainie ja nie mahu ŭjavić sabie ŭrad ci prezidenta, jaki b na heta pahadziŭsia», — skazaŭ deputat.
Daradca prezidenta Ukrainy Dźmitryj Litvin raniej kamientavaŭ słovy Łanza bolš aściarožna. Jon skazaŭ, što va Ukrainy jość realistyčnyja prapanovy dziela miru, ale «Pucin choča bolš vajny, bolš śmierciaŭ i bolš zachoplenaj ziamli».
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary