Administracyja Pucina daručyła vice-hubiernataram rychtavacca da zakančeńnia vajny i farmavać «vobraz pieramohi»
Na naradzie namieśnikaŭ kiraŭnikoŭ rasijskich rehijonaŭ z kiraŭnictvam Administracyi prezidenta abmiarkoŭvałasia ŭ tym liku vajna va Ukrainie.
Sustreča ź vice-hubiernatarami rasijskich rehijonaŭ była arhanizavana ŭpłyvovym namieśnikam kiraŭnika Administracyi Pucina Siarhiejem Kiryjenkam. Takija sieminary pravodziacca rehularna, i na hety raz adna z tem — mahčymy kaniec vajny va Ukrainie.
U administracyi Pucina zychodziać z taho, što vajna skončycca, i treba być da hetaha hatovymi, paviedamiła krynica «Kommiersanta».
Administracyja ličyć, što vyniki vajny pavinny ŭsprymacca ŭ hramadstvie jak pieramoha, chacia pryznajuć, što roznyja sacyjalnyja hrupy ŭžo ŭsprymajuć hetuju «pieramohu» pa-roznamu. Dla «razzłavanych patryjotaŭ» heta aznačaje adno, dla «libierałaŭ» — zusim inšaje.
Tamu z hledzišča administracyi ŭłady na miescach pavinny aryjentavacca na «spakojnuju bolšaść», jakaja budzie zadavolena dasiahnutymi Pucinym metami.
Pa ŭsim vidać, administracyja maje namier «pradavać» nasielnictvu vyrašeńnie zadač pa «denacyfikacyi i demilitaryzacyi Ukrainy», a taksama zachavańni za Rasijaj akupavanych terytoryj. Administracyja pastaviła pierad vice-hubiernatarami zadaču «zachavać i pašyryć hetuju bolšaść».
Kali havorka idzie pra ŭdzielnikaŭ vajny, jakija viarnucca damoŭ, administracyju taksama turbuje ich losy. Tam pryznajuć, što znajści pracu, jakaja budzie apłačvacca tak ža dobra, jak vajna, im budzie ciažka. Tamu ad miascovych uład patrabujuć kampiensavać materyjalny składnik stanoŭčym staŭleńniem da byłych vajennych z boku hramadstva.
Rašeńnie prablemy sacyjalizacyi byłych udzielnikaŭ vajny ŭ Rasii niadaŭna ŭklučyli ŭ śpis pakazčykaŭ, pa jakich buduć aceńvać pracu hubiernataraŭ. Ad miascovych uład patrabujuć nie dapuścić, kab byłyja vajennyja išli ŭ kryminał.
Taksama administracyja Pucina paviedamiła vice-hubiernataram metavyja pakazčyki dla vybaraŭ u Dziarždumu: «Adzinuju Rasiju» pavinna padtrymać 55% vybarcaŭ pry jaŭcy ŭ 55%.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary