Bondarava choča ŭmiašacca i ŭ miedycynu — zabaranić aborty i zamarozku jajcakletak
Ciapier u Biełarusi idzie hramadskaje abmierkavańnie prajekta Kodeksa ab achovie zdaroŭja. I tut nie abyšłosia biez danosčycy Volhi Bondaravaj.
Asabliva prarasijskuju aktyvistku aburyŭ raździeł pra aborty i dapamožnyja technałohii ŭ dzietanaradžeńni.
Jana patrabuje zrabić aborty płatnymi, zabaranić surahatnaje maciarynstva, zamarozku jajcakletak, EKA z donarskimi jajcakletkami i śpiermaj.
Što jašče choča danosčyca? Siarod punktaŭ:
- zabaranić apieracyi pa źmienie poła;
- nie abaviazvać pacyjenta vykonvać rekamiendacyi doktara (tamu što miedyki nie zastrachavany ad pamyłak);
- zabaranić vykarystoŭvać bijamietryjačnyja technałohii dla ideantyfikacyi pacyjentaŭ.
«Ahułam, pałažeńni prajekta kodeksa nie adpaviadajuć intaresam šyrokich słajoŭ nasielnictva RB i faktyčna robiać pryvilejavanym kłasam daktaroŭ i miedycynskich rabotnikaŭ u adnosinach da astatnich hrup nasielnictva RB», — aburajecca Bondarava ŭ svaim telehram-kanale.
Hramadskaje abmierkavańnie prajekta kodeksa praciahniecca da 1 lutaha 2025 hoda. Aznajomicca z dakumientam, kamientarami da jaho i pakinuć prapanovy možna tut.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
Pałata pradstaŭnikoŭ prysłała Bondaravaj adpisku pa spravie Marzaluka i «švali» z Hrodna
Bondarava zachacieła dvuchmoŭja, jak u Finlandyi. My taksama za
Prabiełaruskija łukašysty jadnajucca suprać prarasijskich
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary
miarkujučy pa ŭsim ministru zdravaachranienija treba padrychtavacca