Nastupny hod pa ŭschodnim kalendary projdzie pad apiekaj źmiei. Kab hod prajšoŭ udała, niekatoryja ludzi navat admysłova nabyvajuć sabie hety simvał u jakaści chatniaha hadavanca. Zrabić heta možna i ŭ Biełarusi. Na adnoj papularnaj anłajn-placoŭcy homielskaje vydańnie «Mocnyja naviny» znajšło adrazu dźvie abjavy pa prodažy źmiej.
Za 150 rubloŭ pradajecca maisavy połaz. U pierapiscy pradaviec paznačyŭ, što źmiejka ź niuansam — u jaje kryvy chvościk.
«Pradaviec kazaŭ, što paškodziŭ pry sprobie dapamahčy vyleźci źmiejcy ź jajka, h.zn. defiekt nabyty i navat na raźviadzieńnie nie budzie ŭpłyvać, kali raptam heta budzie treba. Liniaje sama biez prablem, ale treba paśla dapamahać zdymać reštki lińki mienavita z hetaha chvościka) u astatnim naohuł cudoŭnaja źmiejka», — napisała pradaviec.
Taksama ŭ prodažy jość piton, ale kaštuje jon krychu daražej — 350 rubloŭ. U abjavie skazana, što heta dziaŭčynka, 2021 hoda vyłuplivańnia, była nabytaja ŭ Maskvie. Jeść myšej i chamiačkoŭ, žyvie ŭ teraryumie pamieram 60ch40ch40, ale dla dalejšaha ŭtrymańnia patrebien bolšy.
Što tyčycca dakumientaŭ, to, pa słovach pradaŭca połaza, utrymlivać ich u kvatery možna biez prablem. A voś ź pitonam jość niuansy: takija źmiei ŭ śpisie zabaronienych dla ŭtrymańnia ŭ kvaterach istot, adnak zabarona raspaŭsiudžvajecca tolki na asobin, jakija vyrastajuć bolš za 4 mietry ŭ daŭžyniu.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak41
Kamientary