Prezident Sierbii Alaksandr Vučyč zajaviŭ, što premjer-ministr Słavakii Robiert Fica moža ŭ najbližejšyja dni adpravicca ŭ Maskvu dla pieramoŭ z Uładzimiram Pucinym adnosna pastavak hazu paśla 2024 hoda.
Pra toje, što jon «nieaficyjna daviedaŭsia» pra vizit premjera Słavakii da Pucina na nastupnym tydni, Alaksandr Vučyč paviedamiŭ u intervju sierbskamu telebačańniu, piša «Jeŭrapiejskaja praŭda».
«U paniadziełak Robiert Fica pajedzie da Pucina, jak lidar krainy Jeŭrapiejskaha Sajuza, i nie mnie vam havaryć, jakuju heta vykliča reakcyju siarod inšych jeŭrapiejskich lidaraŭ ź ES», — skazaŭ prezident Sierbii.
Słavacki bok na momant publikacyi naviny nijak nie kamientavaŭ zajavy Vučyča.
Kali Fica sapraŭdy pajedzie ŭ Rasiju, heta stanie jaho pieršaj pajezdkaj tudy paśla viartańnia da ŭłady ŭ 2023 hodzie. Słavacki premjer moža stać trecim jeŭrapiejskim lidaram paśla kanclera Aŭstryi Karła Niechamiera i prezidenta Vienhryi Viktara Orbana, jaki naviedaje Maskvu z pačatku poŭnamaštabnaha ŭvarvańnia Rasii va Ukrainu.
Jak viadoma, Słavakija pierad tym nieadnarazova sprabavała dasiahnuć padaŭžeńnia pahadnieńnia pamiž Ukrainaj i Rasijaj ab tranzicie rasijskaha hazu, termin dziejańnia jakoha zaviaršajecca ŭ 2024 hodzie.
Premjer-ministr Ukrainy Dzianis Šmyhal u razmovie z premjeram Słavakii na hetym tydni paćvierdziŭ, što Kijeŭ vyklučaje padaŭžeńnie tranzitnaha pahadnieńnia z «Hazpramam», ale adznačyŭ, što Ukraina nie suprać transpartavać praz svaju hazatranspartnuju sistemu haz u tym vypadku, kali jon budzie nie z Rasii.
Prezident Ukrainy Uładzimir Zialenski napiaredadni taksama paćvierdziŭ, što Ukraina nie razhladaje adnaŭleńnie pahadnieńnia z «Hazpramam» ab tranzicie rasijskaha hazu ŭ Jeŭropu, taksama daŭšy zrazumieć, što Kijeŭ nie pahodzicca prapampoŭvać rasijski haz i pad vyhladam azierbajdžanskaha.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary