Śviet11

U Francyi mašynist na chadu saskočyŭ z chutkasnaha ciahnika, pakinuŭšy ŭ im sotni pasažyraŭ

Incydent adbyŭsia pad Paryžam u noč pierad katalickim Rastvom. U ciahniku, jaki ruchaŭsia z chutkaściu 300 km na hadzinu i zastaŭsia biez mašynista, znachodzilisia bolš za 400 čałaviek.

Ilustracyjnaja vyjava vysakachutkasnaha ciahniku łaŭkost-kampanii Ouigo francuzskaj nacyjanalnaj čyhunačnaj sietki SNCF. Fota: SNCF

24 śniežnia ŭviečary ruch na vysakachutkasnaj čyhunačnaj linii LGV Sud-Est, jakaja złučaje Paryž i Lijon, akazaŭsia paralizavany na try hadziny. Heta zakranuła bolš za 10 tysiač pasažyraŭ. 

Pryčynaj tamu stała nadvyčajnaja situacyja na vysokachutkasnym rejsie łaŭkost-kampanii Ouigo «Paryž — Sent-Ećjen», mašynist jakoha a 21-j naŭprost vyskačyŭ ź ciahniku na poŭnym chadu, pakinuŭšy na borcie bolš za 400 čałaviek razam ź piersanałam.

Aŭtamatyčnaja sistema chutka zaŭvažyła adsutnaść mašynista i ekstranna spyniła ciahnik, vyratavaŭšy žyćci pasažyraŭ, pieradaje vydańnie The Times.

Supracoŭniki čyhunki, jakija jechali na ciahniku, paśla zdareńnia raspaviali miascovym miedyja, što «vahony achapiła panika».

Źviazacca z mašynistam, jaki znachodziŭsia ŭ kabinie adzin i začyniŭ jaje pierad vyskokvańniem ź ciahniku, nie ŭdavałasia. Usie mierkavali, što mašynist straciŭ prytomnaść, kažuć supracoŭniki rejsu.

Kali ciahnik byŭ spynieny, kantralor pajšoŭ uzdoŭž šlachoŭ, vyłamaŭ dźviery kabiny mašynista i vyśvietliŭ, što jana pustaja. Na praciahu dźviuch ź lišnim hadzin słužby ekstrannaj dapamohi šukali mašynista ŭ ciemry ź lichtarykami. Jaho cieła ŭrešcie znajšli dziakujučy infračyrvonamu skanavańniu drona pažarnaj słužby.

Učynak 52-hadovaha mašynista Bruna Redžoni aficyjna razhladajecca jak akt samahubstva, paviedamlajuć pravaachoŭnyja słužby i pradstaŭniki kampanii Ouigo. Matyvy Redžoni ŭsio jašče vyśviatlajucca śledstvam.

Samahubstvy časta zdarajucca ŭ pieryjad Rastva, ale heta byŭ pieršy vypadak u historyi francuzskich čyhunak, kali mašynist skančaje žyćcio samahubstvam, vyskačyŭšy z chutkasnaha ciahnika, adznačaje ministr transpartu Francyi Filip Tabaro.

«Bruna Redžoni chacieŭ skončyć žyćcio sam-nasam. Situacyja mahła być jašče bolš surjoznaj, kali b jon imknuŭsia puścić ciahnik pad adchon», — dadaŭ ministr u intervju miascovym miedyja.

Sajuzy čyhunačnikaŭ i deputaty francuzskaj apazicyi rezka asudzili słovy ministra ŭ adras mašynista Bruna Redžoni, nazvaŭšy ich «hałasłoŭnymi i haniebnymi», bo ŭ Redžoni, jak akazałasia, była dobraja reputacyja i jon byŭ adnym z aficyjnych pradstaŭnikoŭ upłyvovaha i najbujniejšaha ŭ Francyi prafsajuza CGT (Usieahulnaja kanfiederacyja pracy).

«Być mašynistam francuzskich čyhunak — heta vielmi ciažkaja prafiesija. Vy nikoha nie bačycie ceły tydzień. Treba być vielmi mocnym psichałahična», — zajaviŭ adzin z kalehaŭ zahinułaha Bruna Redžoni.

Paśla krytyki ministr transpartu Tabaro skazaŭ, što «jaho pieršaja zajava pa incydencie była niapravilna ŭspryniataja», i dadaŭ, što «zdareńnie pierš za ŭsio źjaŭlajecca čałaviečaj trahiedyjaj, jakaja zakranuła vopytnaha mašynista, jakoha pavažali kalehi».

Kamientary1

  • vot tiebie babuška i roždiestvienskij ekspriess
    27.12.2024
    dobra, što aŭtamatyka. bo byli vypadki, kali piłoty pasažyrskaha samalota skančali z saboj i... dziesiatkami pasažyraŭ

Ciapier čytajuć

Bankaŭskija insajdary ličać novyja sankcyi suprać čatyroch biełaruskich bankaŭ małaznačnymi. I voś čamu2

EkanomikaBiełarusbank, Biełahraprambank, Bielinviestbank i Bank Dabrabyt2

Bankaŭskija insajdary ličać novyja sankcyi suprać čatyroch biełaruskich bankaŭ małaznačnymi. I voś čamu

Usie naviny →
Usie naviny

Na vyjeździe ź Minska DTZ, fura pierakryła niekalki pałos. Ruch uskładnieny

U baraćbu z darmajedami ŭklučylisia vajenkamaty. Pryčym vyklikajuć navat tych, chto pracuje3

Łukašenka pra zabaronu na ŭjezd u Estoniju: Nikoli nie byŭ tam7

Zastałosia dva tydni, kab padać zajaŭku na try prestyžnyja prahramy navučańnia i prafiesijnaha raźvićcia ŭ ZŠA

U Biełaruś pryjšoŭ lasny kot — takoha nie bačyli amal 100 hadoŭ3

U Biełaruś aficyjna pryjšoŭ novy kitajski aŭtamabilny brend. Što za jon6

Estonija pažyćciova zabaraniła ŭjezd u krainu Łukašenku i jašče 272 asobam2

Pamiatajecie zarosłuju mahiłu akademika Karskaha? Moładź ź Biełarusi apłaciła jaje ŭparadkavańnie4

Biełaruska aburyłasia koštam lisičak u 55 rubloŭ za kiłahram3

bolš čytanych navin
bolš łajkanych navin

Bankaŭskija insajdary ličać novyja sankcyi suprać čatyroch biełaruskich bankaŭ małaznačnymi. I voś čamu2

EkanomikaBiełarusbank, Biełahraprambank, Bielinviestbank i Bank Dabrabyt2

Bankaŭskija insajdary ličać novyja sankcyi suprać čatyroch biełaruskich bankaŭ małaznačnymi. I voś čamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić