Alaksiej Buhajeŭ, jaki byŭ raniej asudžany da 9,5 hadoŭ pa spravie ab narkotykach, pajšoŭ vajavać paśla abviaščeńnia prysudu.
Buhajeŭ hulaŭ za maskoŭskija kłuby «Tarpieda», «Łakamatyŭ» i «Krasnadar». Na jaho rachunku siem matčaŭ za zbornuju Rasii, u tym liku dva vystupleńni na čempijanacie Jeŭropy 2004 hoda. Futbolnuju karjeru jon zaviaršyŭ u 2010 hodzie va ŭzroście 29 hadoŭ.
42-hadovaha Buhajeva zatrymali ŭ kastryčniku 2023 hoda na vulicy ŭ Krasnadary. U jahonaj kišeni znajšli pakiet z paraškapadobnym rečyvam. Ekśpiertyza pakazała, što heta vytvornaje ad mietyłefiedronu (bolš viadomaha jak miefiedron).
Pa viersii śledstva, Buhajeŭ płanavaŭ zajmacca pieraprodažam hetych narkotykaŭ. Adnak u svaich pakazańniach były spartsmien śćviardžaŭ, što nie źbiraŭsia raspaŭsiudžvać narkotyki, a chacieŭ dapamahčy palicyi vykryć ludziej, jakija prapanavali jamu zajmacca hetym.
Adnak paśla taho, jak jaho pakazańni byli ahučany na sudovym pasiadžeńni, Buhajeŭ całkam pryznaŭ svaju vinu i raskajaŭsia ŭ zroblenym.
Sud uličyŭ u jakaści źmiakčalnych abstavin najaŭnaść dziciaci, raskajańnie, a taksama šmatlikija ŭznaharody za spartyŭnyja dasiahnieńni i pryznačyŭ jamu pakarańnie ŭ vyhladzie 9 hadoŭ i 6 miesiacaŭ pazbaŭleńnia voli z adbyvańniem pakarańnia ŭ kałonii strohaha režymu.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ13
Kamientary