Ihar Kulej pravioŭ apošniuju pieradaču na «Biełsacie» i pajšoŭ z kanała
Žurnalist učora pakinuŭ kanał, abviaściŭšy pra heta ŭ efiry prahramy «Tydzień».
«Siońnia ja pravioŭ svoj apošni efir na Biełsacie. Paśla amal 10 hadoŭ pracy, mianie vycisnuli adtul chłuśnioj i pahrozami. Niahledziačy na adnaznačnuju pazicyju Jeŭrapiejskaj fiederacyi žurnalistaŭ ab niedapuščalnaści takich dziejańniaŭ, u tym liku piersanalna ŭ adnosinach da mianie, kiraŭnictva praciahnuła cisk i kampaniju pa dezynfarmacyi. Ja nie chaču ciarpieć pahrozy ŭ styli: kali ty chočaš dalej narmalna pracavać na Biełsacie, ja raju tabie nie raskazvać, za što my zvolnili ciabie z pasady kiraŭnika redakcyi. Mnie ŭ žyćci chapaje inšych pahrozaŭ za svaju žurnalisckuju dziejnaść», — napisaŭ jon u fejsbuku.
Jon adznačyŭ, što ź pieršaha dnia pracy na Biełsacie adčuvaŭ, što heta jaho sprava.
«Byvała nievierahodna ciažka, zdaralisia mocna niepryjemnyja momanty. Ale pazityvu było značna bolej. My z kanałam hladzieli ŭ adzin bok i ruchalisia ŭ adnym nakirunku, i heta było dla mianie hałoŭnym. Zaraz hetaha adčuvańnia bolš niama.
U mianie asabista i ŭ ludziej, jakich pryznačyli vyznačać dalejšy los Biełsata, rozny nabor kaštoŭnaściaŭ, roznaje razumieńnie marali. A tym bolej, nie mahu paśmichacca i machać ručkaj, kali baču, jak ludzi, jakija ničoha nie viedajuć pra Biełaruś i biełaruskija ŚMI i zadajuć pytańni: «Kolki siužetaŭ na tydzień vy zdymajecie ŭ Miensku?» — svaimi niekampietentnymi rašeńniami zvodziać rolu adzinaha sapraŭdnaha biełaruskaha telekanału da jutub-błohu», — dadaŭ jon.
«Na hetym tydni dyrektar Michał Braniatoŭski skazaŭ u razmovie z vydańniem Onet.pl, što jon prapanavaŭ uznačalić Biełsat mnie i Alinie Koŭšyk, i ŭ vyniku vybraŭ Alinu. Ale heta całkam razychodzicca z rečaisnaściu. Nijakaha vybaru pamiž nami nie było i nie mahło być. Ja admoviŭsia ad jahonaj prapanovy ŭznačalić Biełsat na toj ža samaj pieršaj sustrečy, 29 lipienia. Admoviŭsia paśla taho, jak pačuŭ, jak TVP źbirajecca pastupić z dyrektaram Biełsata Alaksiejem Dzikavickim. I da hetaha dadaŭ, što nie chaču być čałaviekam, jaki budzie rezać Biełsat i pravodzić istotnyja skaračeńni. Toje, što adbyłosia ŭ nastupnyja 4 miesiacy, ciahnie na novy siezon «Hulni tronaŭ», ale heta taksama asobnaja historyja», — raskazaŭ jon.
U pačatku śniežnia Ihara zvolnili z pasady kiraŭnika redakcyi navin «Biełsata».
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Jaaja navat nie damahłasia adkryćcia biełaruskich kłasaŭ u Polščy i Litvie
Nima nijakich asabistych " priedpočtienij" .Amal nicikaviłsia " Biełsatam" jak zamiežnaj kampanijaj viaščańnia z svaimi zadačami .