Z reziervovaha fondu Alaksandra Łukašenki vydzielena 680 tysiač rubloŭ na zaachvočvańnie adoranych navučencaŭ i studentaŭ, a taksama asob, jakija ich padrychtavali, paviedamiła pres-słužba palityka. U śpisie studentaŭ značycca i małodšy syn Łukašenki Mikałaj.
U adpaviednaści z padpisanym Łukašenkam rašeńniem prysudžanyja 26 hrand-premij z uručeńniem nahrudnaha znaka i 217 śpiecyjalnych premij pieramožcam respublikanskich alimpijad i konkursaŭ. Uznaharodžańnie za asablivy ŭkład u raźvićcio zdolnaściaŭ adoranych navučencaŭ i studentaŭ atrymaje 21 piedahahičny rabotnik.
Akramia taho, za vydatnuju vučobu, pośpiechi ŭ navukova-daśledčaj i tvorčaj dziejnaści 173 studentam i kursantam ustanoŭ vyšejšaj adukacyi pryznačanaja stypiendyja ad Alaksandra Łukašenki ŭ pamiery 221,88 rubla štomiesiac.
U śpisie značycca i syn palityka Mikałaj — jak student treciaha kursa BDU. Takuju stypiendyju jon užo atrymlivaŭ na pieršym i druhim kursie.
Letam 2022 hoda stała viadoma, što Mikałaj Łukašenka pastupiŭ na bijafak BDU. Taksama ŭ červieni 2023 hoda Alaksandr Łukašenka zajaviŭ, što jahony małodšy syn prachodzić navučańnie ŭ Piekinskim univiersitecie ŭ ramkach prajekta supracoŭnictva Biełarusi i Kitaja.
U tvitary abmiarkoŭvajuć, jak saskufiŭsia Kola Łukašenka
Kola Łukašenka raskazaŭ, ci siadzić jon u sacsietkach
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść
Kola Łukašenka hastraluje pa krainie
Stała viadoma pra śmierć dzieda Koli Łukašenki — byłoha viaźnia HUŁAHa, asudžanaha za dapamohu «banderaŭcam»
Kamientary