Dabratvor pieradumaŭ pravodzić u Varšavie pikiet za Kanapackuju. I voś čamu
Pravodzić pikiet davieranaja asoba kandydatki ŭ prezidenty źbirałasia na vakzale «Varšava-Zachodnia» razam z «narmalnymi» polskimi partyjami.
Da prezidenckich vybaraŭ — 2025 zastałosia niekalki dzion, a Illa Dabratvor, davieranaja asoba Hanny Kanapackaj, tak i nie arhanizavaŭ abiacany pikiet u jaje padtrymku. Akazvajecca, jon pieradumaŭ. Pra pryčyny svajho rašeńnia jon raskazaŭ hramadziancy Biełarusi.
Pieradusim heta pytańnie biaśpieki. «Hańnie Kanapackaj pastupali pahrozy ad roznych ludziej, šmat było niehatyŭnych kamientaroŭ — heta i na majoj staroncy ŭ fejsbuku možna zaŭvažyć. Pa našaj infarmacyi, na pikiecie rychtavalisia pravakacyi ad roznych struktur. Ja nie ŭpeŭnieny, što palicyja zmoža harantavać biaśpieku», — pryznajecca Dabratvor.
Druhaja pryčyna, jakuju jon nazyvaje, toje, što na pikietach u Polščy nibyta nielha raspaŭsiudžvać pradukcyju na biełaruskaj movie, možna, maŭlaŭ, tolki na polskaj. Praŭda, inšyja biełarusy, apytanyja «Našaj Nivaj», upieršyniu čujuć pra takuju normu.
«Heta zabaroniena polskim zakanadaŭstvam, tak jurydyčnaja słužba Hanny paviedamiła, — nastojvaje Dabratvor. — Na polskaj rabić nie budziem, bo Kanapackaja kandydat u prezidenty Biełarusi. A pikiet byŭ raźličany na biełarusaŭ, jakija jeździać u Biełaruś. My chacieli zrabić jaho na vakzale «Varšava-Zachodniaja».
Dabratvor narakaje, što atrymaŭ škvał niehatyvu.
«Ja b zrazumieŭ, kali b staŭ davieranaj asobaj Alaksandra Łukašenki, ale ž nie, alternatyŭnaha kandydata. Chejt źviazany z tym, što pradstaŭniki demakratyčnaj supolnaści adčuli kankurencyju», — pierakanany jon.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary