Technałohiju raspracoŭvali šmat hod, ale ciapier jana hatova dla vykarystańnia, piša MIT Technology Review.
Daśledčyki ŭ halinie niejrabijałohii i štučnaha intelektu zmahli stvaryć miechanizm, jaki analizuje pracu čałaviečaha mozhu i vyznačaje, jakija kłavišy dla naboru tekstu treba nacisnuć.
Ale stvoranaja sistema važyć paŭtony, kaštuje 2 miljony dalaraŭ i nie moža pracavać pa-za miežami łabaratoryi.
«Sproba zrazumieć dakładnuju architekturu abo pryncypy pracy čałaviečaha mozhu moža stać asnovaj dla raźvićcia mašynnaha intelektu», — raskazaŭ Žan-Remi Kinh, kiraŭnik daśledčaj hrupy Meta pa mozhu i štučnamu intelektu.
Skanier, jaki vykarystoŭvajecca ŭ novym daśledavańni, źbiraje mahnitnyja sihnały, jakija hienieryrujucca ŭ kary hałaŭnoha mozhu pry ŭzbudžeńni niejronaŭ. Jaho nieabchodna vykarystoŭvać u ekranavanym pamiaškańni, pakolki mahnitnaje pole Ziamli ŭ tryljon razoŭ macniej, čym u čałaviečym mozhu.
Ekśpierymient pa nabory tekstu pravodziŭsia z udziełam 35 dobraachvotnikaŭ u daśledčym centry ŭ Ispanii. Kožny ź ich pravioŭ u skaniery kala 20 hadzin, nabirajučy frazy typu «el procesador ejecuta la instrucción» (pracesar vykonvaje kamandu), u toj čas jak sihnały ich mozhu pieradavalisia ŭ sistemu hłybokaha navučańnia, jakuju Meta nazyvaje Brain2Qwerty.
Kampanija padkreślivaje, što raspracoŭka pryznačana dla fundamientalnych daśledavańniaŭ, a nie dla stvareńnia kamiercyjnaha praduktu.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary