MAK zaklikaŭ dapuścić biełaruskich bijatłanistaŭ i łyžnikaŭ da mižnarodnych spabornictvaŭ
Mižnarodny alimpijski kamitet zaklikaŭ Mižnarodny sajuz bijatłanistaŭ i Mižnarodnuju fiederacyju łyžnaha sportu dapuścić da spabornictvaŭ pad svajoj ehidaŭ spartsmienaŭ ź Biełarusi i Rasii pad niejtralnym ściaham. Pra heta paviedamiŭ šviedski telekanał SVT.
Dopusk da spabornictvaŭ dazvolić spartsmienam udzielničać u adbory da Alimpijskich hulniaŭ u Italii ŭ 2026 hodzie. Ciapier takoj mahčymaści ŭ ich niama.
Biełaruskich i rasijskich spartsmienaŭ pa bolšaści vidaŭ sportu adchilili ad mižnarodnych turniraŭ paśla pačatku vajny Rasii suprać Ukrainy ŭ 2022 hodzie. Ale pierad Alimpijadaj u Paryžy MAK dazvoliŭ udzielničać u adbory spartsmienam, nie źviazanym z rasijskaj armijaj abo siłavymi strukturami, u indyvidualnych vidach sportu. Dazvoł na heta pavinny davać spartyŭnyja fiederacyi.
U łyžnych vidach sportu i bijatłonie rasijan i biełarusaŭ da mižnarodnych turniraŭ pa-raniejšamu nie dapuskajuć, tamu jany spaborničajuć tolki pamiž saboj. Ale ciapier situacyja moža źmianicca.
«MAK choča znajści rašeńnie, kab niejtralnyja spartsmieny mahli być na zimovych Alimpijskich hulniach», — śćviardžaje krynica šviedskaha telebačańnia. — Jany sapraŭdy chočuć dabracca da hetaha i spadziajucca, što chutka my dazvolim niejtralnym spartsmienam prajści kvalifikacyju ŭ nastupnym siezonie».
Hetuju infarmacyju kanału paćvierdziŭ kiraŭnik Mižnarodnaha sajuza bijatłanistaŭ.
MAK hetuju temu kamientavać admoviŭsia.
Raniej pra dopusk spartsmienaŭ ź Biełarusi i Rasii pad niejtralnym ściaham na adboračnyja spabornictvy abviaściŭ Mižnarodny sajuz kańkabiežcaŭ (ISU).
Zimovyja Alimpijskija hulni projduć u Italii z 6 pa 22 lutaha 2026 hoda.
Biełaruska z polskim pašpartam vyjhrała čempijanat Polščy pa stralbie z łuka
Mižnarodnaja fiederacyja chakieja razhledzić pytańnie dopusku Biełarusi da mižnarodnych spabornictvaŭ
Viartańnie biełaruskich bijatłanistaŭ na mižnarodnyja spabornictvy zaraz navat nie razhladajecca
Ministr sportu ličyć mižsabojčyk biełaruskich i rasijskich bijatłanistaŭ u Raŭbičach alternatyŭnym čempijanatam śvietu. I voś čamu
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary