Francyja choča atrymać jeŭrapiejskija kantrakty na pastaŭki svajho ŭzbrajeńnia
Prezident Francyi Emaniuel Makron zajaviŭ u intervju francuzskamu vydańniu Le Parisien, što Paryž budzie staracca atrymać jeŭrapiejskija kantrakty na pastaŭki ŭzbrajeńnia. Francuzskaja prapanova budzie nakiravanaja pierš za ŭsio krainam, jakija ciapier kuplajuć amierykanskuju zbroju.
Makron skazaŭ, što dziaržavam, jakija kuplajuć zienitnyja sistemy Patriot, Paryž moža zaprapanavać francuzska-italjanskija kompleksy SAMP/T, a krainam, jakija nabyvajuć źniščalniki F-35 — samaloty Rafale.
Makron adznačyŭ, z pačatku rasijskaha ŭvarvańnia va Ukrainu ŭ 2022 hodzie Francyja dasiahnuła vielizarnaha prahresu ŭ halinie VPK.
«U 2021 hodzie my vyrabili 10 SAU Caeser, a ŭ hetym hodzie vypuścim 82», — nahadaŭ jon.
Kiraŭnik Francyi taksama skazaŭ, što nie vyklučaje pieradačy Kijevu dadatkovych źniščalnikaŭ Mirage 2000. U pačatku sakavika francuzskija samaloty ŭpieršyniu pierachapili rasijskija rakiety.
Pry hetym palityk dadaŭ, što viartańnie da ŭsieahulnaha vajskovaha pryzyvu ŭ krainie pakul «nie ŭjaŭlajecca realistyčnym varyjantam». Adnak francuzski ŭrad raźličvaje na kratnaje pavieličeńnie kolkaści reziervistaŭ (80 tysiač da 2030 hoda ŭ paraŭnańni z 44 tysiačami siońnia).
Taksama Makron adznačyŭ, što rašeńnie ab mahčymym raźmiaščeńni miratvorčaj misii va Ukrainie budzie prymać Ukraina.
«Ukraina — suvierennaja dziaržava. Kali jana zaprosić zamiežnyja miratvorčyja siły na svaju terytoryju, to heta nie pytańnie Rasii», — adznačyŭ jon.
Makron zaklikaŭ raspracavać płan harantyj biaśpieki dla Ukrainy na vypadak spynieńnia ahniu
Vialikaja francuzskaja miedyjahrupa ŭstała na prarasijskija pazicyi
Francyja pačała vyvodzić svaje vojski ź Sieniehała. Jaje ŭpłyvy ŭ Afrycy ŭsio mienšajuć
Nakiravać miratvorčyja vojski va Ukrainu hatovaja «značnaja kolkaść» krain
Kamientary
[Red. vydalena]
[Zredahavana]