Niderłandy, jak i Irłandyja, Słavienija i Ispanija, pryhrazili bajkatavać «Jeŭrabačańnie-2026», kali ŭ im budzie ŭdzielničać Izrail
Niderłandy stali čaćviortaj krainaj, što pryhraziła bajkotam piesiennaha konkursu «Jeŭrabačańnie-2026», kali pradstaŭniku Izraila budzie dazvolena ŭdzielničać u im.
Jak zajaviła niderłandskaja hramadskaja teleradyjokampanija AvroTros, jana «bolš nie moža apraŭdać udzieł Izraila ŭ konkursie ŭ ciapierašniaj situacyi, uličvajučy praciahłyja čałaviečyja pakuty ŭ Hazie», piša Bi-bi-si.
U zajavie AvroTros taksama havorycca, što pry pryniaćci rašeńnia ab bajkocie konkursu 2026 hoda teleradyjokampanija ŭličyła vialikuju kolkaść zahinułych u Hazie žurnalistaŭ.
Kolkaść žurnalistaŭ, što zahinuli ŭ Hazie z pačatku vajny ŭ kastryčniku 2023 hoda, dasiahnuła amal 200 čałaviek. Izrail admaŭlaje, što metanakiravana atakuje supracoŭnikaŭ ŚMI ŭ siektary.
Raniej pra svoj admovu ŭdzielničać u konkursie ŭ znak pratestu suprać vajny Izraila ŭ Hazie zajavili Irłandyja, Słavienija i Ispanija. Irłandskaja teleradyjokampanija RTE napiaredadni zajaviła, što ŭdzieł Izraila ŭ «Jeŭrabačańni» «nieprymalny» z ulikam «praciahłaj i žudasnaj hibieli ludziej u Hazie».
Jašče adna kraina — Isłandyja — zajaviła, što kančatkovaje rašeńnie ab udziele ŭ konkursie budzie pryniata paśla taho, jak Jeŭrapiejski viaščalny sajuz vyniesie rašeńnie nakont udziełu Izraila ŭ nastupnym hodzie. Jeŭrapiejski viaščalny sajuz, arhanizatar konkursu, zajaviŭ u čaćvier, što razumieje «zaniepakojenaść i isnujučyja pohlady adnosna praciahłaha kanfliktu na Blizkim Uschodzie».
«My ŭsio jašče kansultujemsia z usimi členami EBU, kab sabrać mierkavańni pra toje, jak nam varta padychodzić da pytańniaŭ udziełu [ŭ konkursie] i hieapalityčnaj napružanaści vakoł konkursu «Jeŭrabačańnie»», — havorycca ŭ zajavie dyrektara Marcina Hryna.
Dva apošnija konkursy «Jeŭrabačańnia» prachodzili na fonie pratestaŭ suprać udziełu Izraila z-za praciahłaj vajennaj apieracyi ŭ Hazie, što pačałasia paśla napadu bajevikoŭ CHAMAS na Izrail 7 kastryčnika 2023 hoda.
Na konkursie «Jeŭrabačańnie-2025» Izrail pradstaŭlała śpiavačka Juval Rafael, jakaja vyžyła padčas ataki bajevikoŭ na fiestyval Nova. Jana zaniała druhoje miesca, vykanaŭšy pieśniu New Day Will Rise.
Pieršaje miesca zaniaŭ vykanaŭca JJ z Aŭstryi. Budučy jubilejny 70-y konkurs «Jeŭrabačańnie-2026» adbudziecca ŭ Vienie 12—16 maja 2026 hoda.
Biełaruś adchilena ad «Jeŭrabačańnia» z 2021 hoda.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary