Прэзідэнт Францыі Эманюэль Макрон заявіў у інтэрв'ю французскаму выданню Le Parisien, што Парыж будзе старацца атрымаць еўрапейскія кантракты на пастаўкі ўзбраення. Французская прапанова будзе накіраваная перш за ўсё краінам, якія цяпер купляюць амерыканскую зброю.
Макрон сказаў, што дзяржавам, якія купляюць зенітныя сістэмы Patriot, Парыж можа запрапанаваць французска-італьянскія комплексы SAMP/T, а краінам, якія набываюць знішчальнікі F-35 — самалёты Rafale.
Макрон адзначыў, з пачатку расійскага ўварвання ва Украіну ў 2022 годзе Францыя дасягнула велізарнага прагрэсу ў галіне ВПК.
«У 2021 годзе мы вырабілі 10 САУ Caeser, а ў гэтым годзе выпусцім 82», — нагадаў ён.
Кіраўнік Францыі таксама сказаў, што не выключае перадачы Кіеву дадатковых знішчальнікаў Mirage 2000. У пачатку сакавіка французскія самалёты ўпершыню перахапілі расійскія ракеты.
Пры гэтым палітык дадаў, што вяртанне да ўсеагульнага вайсковага прызыву ў краіне пакуль «не ўяўляецца рэалістычным варыянтам». Аднак французскі ўрад разлічвае на кратнае павелічэнне колькасці рэзервістаў (80 тысяч да 2030 года ў параўнанні з 44 тысячамі сёння).
Таксама Макрон адзначыў, што рашэнне аб магчымым размяшчэнні міратворчай місіі ва Украіне будзе прымаць Украіна.
«Украіна — суверэнная дзяржава. Калі яна запросіць замежныя міратворчыя сілы на сваю тэрыторыю, то гэта не пытанне Расіі», — адзначыў ён.
Макрон заклікаў распрацаваць план гарантый бяспекі для Украіны на выпадак спынення агню
Вялікая французская медыягрупа ўстала на прарасійскія пазіцыі
Францыя пачала выводзіць свае войскі з Сенегала. Яе ўплывы ў Афрыцы ўсё меншаюць
Накіраваць міратворчыя войскі ва Украіну гатовая «значная колькасць» краін
Цяпер чытаюць
Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22
Каментары